9 მარტს 17:00 საათზე კახა ბენდუქიძის საუნივერსიტეტო კამპუსში, თავისუფალი უნივერსიტეტის კონფუცის ინსტიტუტი გიწვევთ ფარნების სანახაობაზე.
ფარნების სანახაობრივი (იგივე იუენსიაოს დღესასწაული) და ნათელი ფესტივალი ჩინეთში - ყოველწლიური ტრადიცია, რომლითაც აღმოსავლური ახალი წელი სრულდება. მილიონობით ჩინელი მსოფლიოს სხვადასხვა კუთხიდან სამშობლოში ბრუნდება, რათა დღესასწაული ოჯახის წევრებთან ერთად გაატაროს და მონაწილეობა მიიღოს კარნავალებში, მსვლელობებსა და სხვადასხვა საინტერესო ღონისძიებებში.
ახალი წლის დადგომას ჩინეთში ორი კვირის განმავლობაში აღნიშნავენ. მთელი ამ დროის განმავლობაში ქვეყანაში იმართება მასკარადები და ბაზრობები. ფარნების ფესტივალი - ეს დღესასწაულის დასკვნითი ეტაპია და მისი ყველაზე ნათელი და სანახაობრივი ნაწილიც. ხალხური თქმულებების თანახმად, პეტარდების აფეთქების ხმა ბოროტ სულებს აფრთხობს.
ჩინური კულტურით დაინტერესებულ ადამიანებს წელს გეძლევათ შანსი თავადაც შეუერთდეთ და მიიღოთ მონაწილეობა ამ დღესასწაულში.
მობრძანდით, დაესწარით ღონისძიებას, დააგემოვნეთ ჩინური, ტრადიციული ნუგბარი, მიიღეთ მონაწილეობა გათამაშებებსა და ვიქტორინებში და მოიგეთ პრიზები.
იხ. ფბ ივენთი: https://www.facebook.com/events/2022743631273883/
ღონისძიებები
შეგახსენებთ, რომ 7 მარტს, 16:00 საათზე კახა ბენდუქიძის საუნივერსიტეტო კამპუსში გაიმართება პროფესორ ტომოჰიკო ტანიგუჩის ლექცია.
ლექცია თავისუფალი უნივერსიტეტის საერთაშორისო ურთიერთობების სკოლის იაპონური მიმართულების ორგანიზებითა და საქართველოში იაპონიის საელჩოს ხელშეწყობით ტარდება.
პროფესორი ტანიგუჩი ამჟამად არის ტოკიოს კეიოს უნივერსიტეტის პროფესორი და იაპონიის მოქმედი პრემიერ-მინისტრის, შინძო აბეს სპეციალური მრჩეველი საერთაშორისო ურთიერთობების საკითხში. ის ხანგრძლივი პერიოდის განმავლობაში მუშაობდა იაპონურ ყოველკვირეულ გამოცემა ნიკკეი ბიზნესში. აქვს მდიდარი გამოცდილება საერთაშორისო ურთიერთობების კუთხით.
ლექციაზე დასწრება თავისუფალია და ჩატარდება კამპუსის იაპონურ კაბინეტში (აუდიტორია #222).
7 Mar 2018
17 თებერვალს 12:00 საათზე ჩატარდება თავისუფალი
17 Feb 2018
17 თებერვალს 14:00 საათზე თავისუფალი უნივერსიტე
17 Feb 2018
არასაქველმოქმედო აუქციონი ტარდება თავისუფალი უნივერსიტეტის ვიზუალური ხელოვნების, არქიტექტურის და დიზაინის სკოლის სტუდენტების ანო ჯიშკარიანის, თიკა შელიას და სალომე ფოცხვერაშვილის ორგანიზებით და სასტუმრო Rooms-ის ხელშეწყობით.
აუქციონის მთავარი მიზანია ახალგაზრდა ქართველი არტისტების რეალიზება და ხელის შეწყობა, მათი ფართო საზოგადოების წინაშე წარდგენა და ცნობადობის ამაღლება.
აუქციონის ექსპონანტები ორ ნაწილად იყოფა - პირველ ნაწილში გამოფენილია აღიარებული ქართველი ხელოვანების ნამუშევრები: კარლო კაჭარავასა და ოლეგ ტიმჩენკოს 80-90იან წლებში შესრულებული ფერწერები, ასევე დავით კუხალაშვილისა და გიორგი ხანიაშვილის ადრეული ნახატები და ლევან ჭელიძის ნატურმორტი.მეორე ნაწილში ქართველი ახალგაზრდა არტისტების ნამუშევრები ფიგურირებს, რომელთა უმეტესობას ქართული თემატიკა აერთიანებს, იქნება ეს სალომე ჯოხაძის “თანამედროვე ყაჯარები” თუ გიორგი გელაძის ქართული ტექსტები ტილოზე. ამასთან ერთად წარმოდგენილია ანასტასია ახვლედიანის ქართული არტეფაქტებითა
და ორნამენტებით ინსპირირებული ტილოებისა და უცნობი წმინდანების სერია, ფაფო ფაჩუაშვილისა და გიორგი ვარდიაშვილის შერეული ტექნიკით შესრულებული კოლაჟები თბილისის ფოტოსურათებზე.
თარიღი: 12 თებერვალი, ორშაბათი
რეგისტრაცია: 18:00 - 20:00
აუქციონი: 20:00
ადგილი: ჭოველიძის 7 ლოლიტა (მე-3 სართული)
12 Feb 2018
27 იანვარს 14:00 საათზე თავისუფალი უნივერსიტეტი
27 Jan 2018
27 იანვარს 12:00 საათზე ჩატარდება თავისუფალი უნ
27 Jan 2018
თავისუფალი უნივერსიტეტის ვიზუალური ხელოვნების არქიტექტურის და დიზაინის სკოლა VA[A]DS გიწვევთ გამოფენაზე, სადაც წარმოდგენილი იქნება პირველი და მეორე კურსის ხატვის სტუდიების სემესტრის შემაჯამებელი გამოფენა.
ვიზუალური ხელოვნების, არქიტექტურის და დიზაინის სკოლის VA[A]DS პირველი და მეორე სართულის საგამოფენო სივრცეებში წარმოდგენილი იქნება:
I კურსის, თორნიკე ჭაფოძის, კოტე სულაბერიძის და ნინო ჭილაშვილის ჯგუფების ნამუშევრები
II კურსის თეა გვეტაძის და ნონო ქვრივიშვილის ჯგუფების ნამუშევრები
მესამე სართულის საგამოფენო სივრცეში წარმოდგენილი იქნება პირველი კურსელის რატი ბერაძის სოლო პროექტი
გამოფენის გახსნა 26 იანვარს
17:00-20:00 საათი
ვიზუალური ხელოვნების, არქიტექტურის და დიზაინის სკოლა VA[A]DS
26 Jan 2018
გამოფენის გახსნა 23 იანვარს
18:00-20:00 სთ
Artarea Gallery
დოდო აბაშიძის 10
თავისუფალი უნივერსიტეტის ვიზუალური ხელოვნების, არქიტექტურის და დიზაინის სკოლის (VAADS) ფერწერის სტუდენტების ჯგუფური გამოფენა Artarea Gallery-ში.
სემესტრის განმავლობაში სტუდენტების სამივე ჯგუფს სხვადასხვა პედაგოგები, მეორე კურსს თეა გვეტაძე, მესამე კურსს ნინო საკანდელიძე, მეოთხე კურსს კი გოგა მაღლაკელიძე ასწავლიდნენ. თუმცა სწავლის პროცესის ერთ-ერთი უმნიშვნელოვანესი ნაწილი ის არის, რომ სტუდენტები არა მხოლოდ ლექტორებისგან, არამედ ერთმანეთისგანაც ბევრს სწავლობდნენ, რაც ერთმანეთის დაკვირვებით, პირდაპირი თუ არაპირდაპირი ურთიერთობით, ერთმანეთის სახელოსნოების თვალიერებით, ერთმანეთის მუშაობის პროცესის ყურებით ხდება. VAADS-ის ერთ-ერთი პლიუსი სწორედ ისაა, რომ სახელოსნოები გვერდიგვერდაა განლაგებული, რაც ინფორმაციის გავრცელებას სწრაფს და ხელმისაწვდომს ქმნის.
ნებისმიერი პატარა დეტალი შეიძლება გახდეს ახალი იდეის წყარო, მაგალითად მეზობელ სახელოსნოში შემთხვევით აღმოჩენილი ახალი მასალა ან მოკლე რეპლიკა, რომელსაც დერეფანში ყურს შემთხვევით მოკრავ. ნებისმიერი ახალი იდეა კი ყოველთვის მომდევნო იდეის წინაპირობაა, ამგვარად ერთ სივრცეში არსებული სტუდენტების ეს ირიბი თუ პირდაპირი კონტაქტი წარმოადგენს რაღაც ჯაჭვურ მექანიზმს, რომელიც თავისსავე თავს ეხმარება მოძრაობაში, რადგან ჯანსაღი ურთიერთქმედება არასდროსაა ცალმხრივი.
ეს გამოფენა სწორად ამ ვერბალური თუ აბსტრაქტული ურთიერთქმედებების შედეგს წარმოადგენს.
ანასტასია ახვლედიანი
ანა ჯიბლაძე
სალომე ჯოხაძე
სალომე ჩიგილაშვილი
ლიზა ცინდელიანი
შოთიკო აფციაური
გიორგი გელაძე
გიორგი ვარდიაშვილი
თეკლა პაიჭაძე
ნინი ხაბაზი
თეო მასპი
გამოფენა ღია იქნება:
24-27 იანვარი
12:00-18:00 სთ
+995 599 230 997
23 Jan 2018