ინფორმაცია მოსალოდნელ სიახლეზე - არქიტექტურის საბაკალავრო პროგრამა თავისუფალ უნივერსიტეტში.
არქიტექტურის სკოლა VA[A]DS თანამედროვე მოთხოვნებზე ორიენტირებული, კონცეპტუალურად ახალი სასწავლო პროგრამა იქნება, რომელიც გეგმავს აბიტურიენტებს შესთავაზოს ინტეგრირებული სტუდიური სწავლება. სასწავლო პროგრამა თანამედროვე მედია და ტექნოლოგიური მოდულებით იქნება აღჭურვილი.
თავისუფალი უნივერსიტეტის არქიტექტურის პროგრამა VA[A]DS ამერიკის საუკეთესო ათეულში შესული არქიტექტურის სკოლის Sam Fox Architecture School at Washington University in St. Luis პროფესორთან, ჯესი ვოგლერთან თანამშრომლობით შეიქმნა, რომელიც მომავალში თავისუფალ უნივერსიტეტში ამ პროგრამას უხელმძღვანელებს.
მოსალოდნელი სიახლით დაინტერესებულ აბიტურიენტებს ვუმასპინძლებთ 28 ოქტომბერს 12:00 საათზე, კახა ბენდუქიძის საუნივერსიტეტო კამპუსში.
აბიტურიენტებს მიმართავენ - პროგრამის ხელმძღვანელი, ვაშინგტონის უნივერსიტეტის პროფესორი ჯესი ვოგლერი (ჩართვა აშშ-დან), უნივერსიტეტის რექტორი - ვატო ლეჟავა და სკოლის დეკანი - ირინა პოპიაშვილი.
შეხვედრაზე ჩატარდება პროგრამის პრეზენტაცია და მოსწავლეების ექნებათ შესაძლებლობა დასვან მათთვის საინტერესო შეკითხვები.
ღონისძიებები
აკა მორჩილაძე კამპუსში!
ხუთშაბათს, 19 ოქტომბერს 18:00 საათზე, კახა ბენდუქიძის საუნივერსიტეტო კამპუსში მწერალი აკა მორჩილაძე ჩაატარებს საჯარო ლექციას - ძველი და ახალი თავადები.
დასწრება თავისუფალია.
ლექციას წარმოგიდგენთ სტუდენტური აპლიკაცია VICI.
იხ. ფბ ივენთი: https://www.facebook.com/events/1812968675660663/
19 Oct 2017
თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) და მომავალ დიპლომატთა კლუბის პროექტის ”I’m the World” ფარგლებში კახა ბენდუქიძის საუნივერსიტეტო კამპუსის 415-ე აუდიტორიაში, 18 ოქტომბერს, 17:00-ზე გაიმართება ლექცია - დისკუსია ”ტრანსპორტი - ქვეყნის ეკონომიკური განვითარების შესაძლებლობა.”
როგორ უნდა გახდეს საქართველო რეგიონალური სატრანსპორტო და ლოგისტიკური ჰაბი - სტრატეგიული მნიშვნელობა, სახელმწიფოებრივი პოლიტიკა და ეკონომიკური ასპექტები. საქართველოს სატრანსპორტო სისტემების განვითარების პერსპექტივები და ავიაცია, როგორც გამოწვევა და ახალი შესაძლებლობები.
მომხსენებელი - HUB Georgia-ს დამფუძნებელი, ექსპერტი ავიაციის საკითხებში გიორგი კოდუა.
დასწრება თავისუფალია
18 Oct 2017
13 ოქტომბერს, 16 საათზე, თბილისის თავისუფალი უნივერსიტეტის აზიისა და აფრიკის ინსტიტუტის იაპონური მიმართულების ორგანიზებით და საქართველოში იაპონიის საელჩოს მხარდაჭერით და ინიციატივით, კახა ბენდუქიძის საუნივერსიტეტო კამპუსის კულტურის ცენტრში გაიმართება მუსიკალური და საცეკვაო წარმოდგენა, ცნობილი იაპონელი შემსრულებლების ჯგუფის "ნიკო-იჩის" შესრულებით. წარმოდგენის მსვლელობისას დამსწრეები იხილავენ მუსიკალურ შესრულებას იაპონურ დასარტყამ ინსტრუმენტ "ვადაიკოზე" და "შამისენე" (იაპონური გიტარა), ასევე ცეკვა "შიშიმაის" (ლომის კოსტუმირებული ცეკვა). შესრუებული მუსიკა და ცეკვა იქნება ტრადიციული იაპონური და თანამედროვე ელემენტების სინთეზი. ღონისძიებაზე დასწრება თავისუფალია.
13 Oct 2017
თავისუფალი და აგრარული უნივერსიტეტები წარმოგიდგენთ - Welcome 2017.
5 ოქტომბერი, 17:00 საათი, კამპუსის ეზო.
SHNGL
Fall Gruc
Bedford Falls
არა
მოდით!
5 Oct 2017
თავისუფალი უნივერსიტეტის ადამიანის უფლებების ეროვნული ინსტიტუტი გიწვევთ საჯარო ლექციაზე "ადამიანის უფლებათა ევროპული სასამართლოს მიერ საქართველოს წინააღმდეგ გამოტანილი უმნიშვნელოვანესი გადაწყვეტილებების ანალიზი, პრობლემები და გამოწვევები".
შეხვედრა ჩატარდება ოთხშაბათს, 27 სექტემბერს, 16:00 საათზე, კახა ბენდუქიძის საუნივერსიტეტო კამპუსის 113-ე აუდიტორიაში.
ლექციას ჩაატარებს: ბესარიონ ბოხაშვილი - გაეროს ადამიანის უფლებათა უმაღლესი კომისრის ოფისის ეროვნული ოფიცერი საქართველოსთვის.
27 Sep 2017
გამოფენის გახსნა: 11 ივლისს, 18:00 საათზე
გამოფენის მონაწილეები:
ანასტასია ახვლედიანი
შოთიკო აფციაური
გიორგი გელაძე
გიორგი ვარდიაშვილი
ანა ჯიბლაძე
სალომე ჯოხაძე
VADS-ის სტუდენტების გამოფენა ონის მხარეთმცოდნეობის მუზეუმში თანამედროვე ხელოვნების რეზიდენცია - "არტელ რაჭაში" ვიზიტის შედეგია. 7 ივლისიდან სტუდენტების ინტენსიური მუშაობის შედეგი საქართველოში ერთერთ ყველაზე ღირსშესანიშნავ მუზეუმში იქნება წარმოდგენილი.
რამდენიმე ნამუშევარი ონის მხარეთმცოდნეობის მუზეუმის ექსპონატების შთაბეჭდილების გავლენითაა შექმნილი. ეს გამოფენა კარგი მაგალითია, თუ როგორ შეიძლება მეტი ახალგაზრდა დაინტერესდეს მუზეუმებით, რათა დამწყებმა ხელოვანებმა ადგილობრივი და უნიკალური ხელოვნების ნიმუშები თანამედროვეობასთან მიმართებაში განიხილონ. დღის განმავლობაში VADS-ელები ესტუმრებიან ონის სამხატვრო სკოლას, დაათვალიერებენ მოსწავლეების ნამუშევრებს და გაუზიარებენ საკუთარ გამოცდილებას.
VADS-ელი სტუდენტების გამოფენის დათვალიერება საინტერესო იქნება ადგილობრივი მოსწავლეებისთვისაც, ისინი შეძლებენ გაეცნონ თანამედროვე ხელოვანთა ახალ თაობას და შეაფასონ მათი ნამუშევრები.
11 Jul 2017
კახა ბენდუქიძის საუნივერსიტეტო კამპუსი გიწვევთ აგრარული უნივერსიტეტის გამორჩეული პროფესორის დავით ფრანგიშვილის საჯარო ლექციაზე "პროკარიოტების ვირუსების მრავალფეროვნება და როლი ბიოსფეროში."
დავით ფრანგიშვილი არის პარიზის პასტერის უნივერსიტეტის (Institut Pasteur) “Viruses of Hyperthermophilic Archaea” ჯგუფის ხელმძღვანელი.
ლექციას წარმოგიდგენთ თავისუფალი და აგრარული უნივერსიტეტების საბუნებისმეტყველო მეცნიერებების სამაგისტრო პროგრამა.
შეხვედრა ჩატარდება კახა ბენდუქიძის საუნივერსიტეტო კამპუსის მე-200 აუდიტორიაში.
დასწრება თავისუფალია.
იხ. ფბ ივენთი: facebook.com/events/260833854393239
29 Jun 2017
ვიზუალური ხელოვნებისა და დიზაინის სკოლა გიწვევთ პირველი და მეორე კურსის ხატვის სტუდიის შემაჯამებელ გამოფენაზე.
მეორე კურსის სტუდენტების ამოცანა ლექტორებისგან დამოუკიდებლად, გამოფენის ორგანიზება და ექსპოზიციის გაკეთება იყო.
დამატებით, მეორე კურსის სტუდენტებმა ხატვის სტუდიის დიდ სახელოსნოში ჩანახატების რვეულების (სქეჩბუქების) და გამოფენის მოსამზადებელი მასალების სპეციალური ინსტალაცია წარმოადგინეს.
მეორე კურსის პროფესორები: კოტე სულაბერიძე & ნინო ჭილაშვილი
პირველი კურსს ნიკა ქუთათელაძე და თორნიკე ჭაფოძე ხელმძღვანელობენ.
მეორე კურსის სტუდენტების გამოფენის კურატორი: გიორგი ვარდიაშვილი
მეორე კურსი:
შოთიკო აფციაური
გიორგი გელაძე
რეზი გვრიტიშივილი
ნიტა გონგაძე
კნიკა გრძელიშვილი
გიორგი ვარდიაშვილი
მაკო ზაკაიძე
ნუკი კოპალეიშვილი
ნუცა მიქაბერიძე
ნიკა მომცემლიძე
ზიზი ნიშნიანიძე
მარიამ ორიონ მუთიძე
ლიზი ქიქავა
ფაფო ფაჩუაშვილი
ლიზა ცინდელიანი
ლიზა ციცქიშვილი
სალომე ჩიგილაშვილი
ანი ყოჩიაშვილი
სალომე ჯოხაძე
პირველი კურსი:
ანუკი ბეროშვილი
ქეთი დვალი
სალომე გაგუა
მარიამ გოგიჩაიშვილი
ლილე გურამიშვილი
ელენე გურამიშვილი
თეკლა თორდია
ელენე კვიმსაძე
თეონა მასპინძელაშვილი
ნუცა მუსერიძე
გვანჩა სანიკიძე
თეკლა პაიჭაძე
თაკო ყიფიანი
ნინი ხაბაზი
ნიკა ჯიბლაძე
გამოფენა გაიხსნება 28 ივნისს 17:00 საათზე.
დასწრება თავისუფალია.
იხ. ფბ ივენთი.
28 Jun 2017
თავისუფალი უნივერსიტეტის ბიზნეს სამართლის ეროვნული ცენტრი გიწვევთ საჯარო ლექციაზე “როგორ შეცვლის ბლოკჩეინი მსოფლიო ეკონომიკას და როგორ იყენებს საქართველო ამ ტექნოლოგიას?“.
ბლოკჩეინი არის ტექნოლოგია, რომელსაც აქვს პოტენციალი, მოახდინოს ნდობის მნიშვნელობის რედეფინიცია საჯარო და კერძო სექტორებში. ის შეიძლება განისაზღვროს, როგორც ციფრული, მუდმივ რეჟიმში ქრონოლოგიურად განახლებადი, დეცენტრალიზებული და კრიპტოგრაფიულად დაშიფრული მონაცემთა ბაზა. ბლოკჩეინი არა მხოლოდ ახალი ტექნოლოგია, არამედ აზროვნების ახალი მოდელია, რომელიც ახლო მომავალში მოსალოდნელია, რომ გამოიწვევს საზოგადოების ფუნქციონირების დღევანდელი მოდელის ტრანსფორმაციას მრავალ სექტორში. საქართველო ხედავს ბლოკჩეინის პოტენციას და მისი საჯარო სექტორში დანერგვით ცდილობს, გახდეს ერთ-ერთი პირველი ქვეყანა, რომელიც წარმატებით იყენებს ამ ტექნოლოგიას საჯარო სექტორში მომსახურების გაწევისას.
მომხსენებლები:
დოქტორ ჯული მოპინი (Dr. Julie A. Maupin, JD/MA) - უფროსი მკლევარი, შედარებითი საჯარო სამართლისა და საერთაშორისო სამართლის მაქს-პლანკის ინსტიტუტი, დოზენჰაიმი, გერმანია
თამარ მენთეშაშვილი - ფინანსური ინოვაციებისა და ბლოკჩეინ ტექნოლოგიის მკვლევარი, ჯაო თონგ უნივერსიტეტი, შანხაი, ჩინეთი.
საჯარო ლექცია გაიმართება 30 ივნისს, 17:00 საათზე, კახა ბენდუქიძის საუნივერსიტეტო კამპუსის საკონფერენციო დარბაზში.
სამუშაო ენები - ინგლისური და ქართული (სინქრონული თარგმანი).
საჯარო ლექციაზე დასწრება თავისუფალია. წინასწარი რეგისტრაციისთვის, გთხოვთ 2017 წლის 26 ივნისის 16:00 საათამდე, შეავსოთ სარეგისტრაციო ფორმა.
N.B. დამსწრეთა რაოდენობა შეზღუდულია (მაქს. 150 ადამიანი) და დასწრება შესაძლებელია მხოლოდ რეგისტრაციის საფუძველზე "first come, first served" პრინციპით.
საჯარო ლექცია ტარდება ევროკავშირის პროექტის „კერძო და ადმინისტრაციული სამართლის სისტემების განვითარების ხელშეწყობა საქართველოში“ მხარდაჭერით, რომელსაც GIZ-ის „ევროპულ სტანდარტებთან სამხრეთ კავკასიის სამართლებრივი დაახლოების“ პროგრამა ახორციელებს.
26 Jun 2017