ENG GEO

Search form

სიახლეები

4 ნოემბერს, კახა ბენდუქიძის საუნივერსიტეტო კამპუსმა, პროგრამირებაში უმაღლეს სასწავლებელთა შორის მსოფლიო ჩემპიონატის მეოთხედფინალს უმასპინძლა. შეჯიბრში სულ 50 გუნდი მონაწილეობდა. მეოთხედფინალზე საუკეთესო შედეგი აჩვენა თავისუფალი უნივერსიტეტის გუნდმა, გიორგი გულიაშვილის, ალექსანდრე ცხოვრებოვისა და თორნიკე მანძულაშვილის შემადგენლობით. მეოთხედფინალში მონაწილეთა შედეგები შეგიძლიათ იხილოთ ბმულზე: https://neerc.ifmo.ru/archive/2017/georgia/standings.html
თავისუფალი და აგრარული უნივერსიტეტების გამომცემლობის ორგანიზებით, კახა ბენდუქიძის კვირეულის ფარგლებში, გაიმართა წიგნის „საქართველოს ლიბერტარიანული რევოლუცია“ პრეზენტაცია. ნაშრომში გაერთიანებულია European Stability Initiative-ის საქართველოს ჯგუფის (ჯერარდ კნაუსი, ბესა შაჰინი, ნიგარ გიოკსელი) მიერ მომზადებული სტატიების ქართულენოვანი თარგმანი კახა ბენდუქიძის მიერ გატარებული რეფორმების შესახებ. წიგნის შეძენა შესაძლებელია კამპუსის ბიბლიოთეკაში.
თავისუფალი და აგრარული უნივერსიტეტების გამომცემლობის ორგანიზებით, კახა ბენდუქიძის კვირეულის ფარგლებში, გაიმართა წიგნის „საქართველოს ლიბერტარიანული რევოლუცია“ პრეზენტაცია. ნაშრომში გაერთიანებულია European Stability Initiative-ის საქართველოს ჯგუფის (ჯერარდ კნაუსი, ბესა შაჰინი, ნიგარ გიოკსელი) მიერ მომზადებული სტატიების ქართულენოვანი თარგმანი კახა ბენდუქიძის მიერ გატარებული რეფორმების შესახებ. წიგნის შეძენა შესაძლებელია კამპუსის ბიბლიოთეკაში.
თავისუფალი უნივერსიტეტის ბიზნესის ადმინისტრირების კურსდამთავრებული, ანი გელოვანი, დიდი ოთხეულის წევრი აუდიტორული კომპანია EY-ის ამსტერდამის ოფისში იმუშავებს. ანი გელოვანი 2014 წლიდანდან დელოიტის თბილისის ოფისში, ფინანსურ აუდიტორად მუშაობდა. რამდენიმე დღის წინ კი კომპანია Lainsburgh დაუკავშირდა, რომელიც ერთ-ერთი ყველაზე მსხვილი HR სააგენტოა მსოფლიოში და შესთავაზა EY-ის ამსტერდამის ოფისში მუშაობა, კონკრეტულად ცოტა ხნის წინ შექმნილ ახალ დეპარტამენტში (FAS) ფინანსური კონსულტაციების კუთხით, რომელიც კონცენტრირებულია ახალი სტანდარტების დანერგვაზე. რამდენიმე გასაუბრების შემდეგ ანი გელოვანის კანდიდატურა ოფიციალურად დაადასტურეს უფროსი კონსულტანტის პოზიციაზე (Senior consultant) და 2018 წლის 1 იანვრიდან დაიწყებს მუშაობას.
კახა ბენდუქიძის საუნივერსიტეტო კამპუსში გ
თავისუფალი უნივერსიტეტის სტუდენტებმა British American Tobaco-ს მიერ ორგანიზებული სტარტაპი მოიგეს! კონკურსში ჯამში 300-ზე მეტი სტუდენტი მონაწილეობდა. ხოლო ფინალში მხოლოდ ცხრა მათგანი გადავიდა. საკონკურსო ბიზნეს იდეებს კი ჟიური განიხილავდა სამკაციანი შემადგენლობით. თავისუფალი უნივერსიტეტის გუნდმა პირველი ადგილი და შესაბამისად 30 000 ლარი მოიგეს! გამარჯვებული სტუდენტები: ზაქრო ტაბატაძე (ბიზნესის სკოლა ESM), ალექსანდრე უფლისაშვილი (ბიზნესის სკოლა ESM), ალექსანდრე ბუაძე (ბიზნესის სკოლა ESM), ლევან აბაშიძე (ბიზნესის სკოლა ESM), ზაურ მჭედლიშვილი (ბიზნესის სკოლა ESM), ქეთი წურწუმია (MACS, ინჟინერია). შეეხება იდეას: გუნდი თებერვლიდან ატარებს ელექტრონული მუსიკის ივენთებს სტუდენტებისთვის სხვადასხვა ლოკაციებზე. უკვე წარმატებით ჩატარდა 4 ღონისძიება. პროექტი ხელს უწყობს დამწყები DJ-ებისა და ხელოვანების განვითარების პლატფორმას. გუნდი ქმნის სივრცეს, სადაც დიჯეებს შეუძლიათ ვარჯიში და საკუთარი თავის განვითარება. აპარატურით დამწყებებს თავად გუნდი უზრუნველყოფს. სამომავლოდ გამარჯვებუოების გეგმებში შედის თემატური ონლაინ გამოცემის შექმნა, სხვზდასხვა ლაივ-კოცერტების ჩატარება და ტურები რეგიონებში ელექტრონული მუსიკის განვითარებისთვის.
კახა ბენდუქიძის საუნივერსიტეტო კამპუსში, თბილისის თავისუფალი უნივერსიტეტის ადამიანის უფლებების ეროვნული ინსტიტუტის, აღმოსავლეთ-დასავლეთ მართვის ინსტიტუტის „კანონის უზენაესობის მხარდაჭერა საქართველოში“ (EWMI/PROLoG) პროგრამასთან თანამშრომლობით, ჩატარდა საჯარო დისკუსია "სასამართლოს ავტორიტეტი vs. გამოხატვის თავისუფლება". დისკუსიის მონაწილეები იყვნენ ევა გოცირიძე და გიორგი ბერაია. მოდერატორი - დავით ზედელაშვილი, თბილისის თავისუფალი უნივერსიტეტის ასოცირებული პროფესორი. დისკუსია ეხებოდა საკითხს, რომელიც ბოლო პერიოდში საზოგადოებაში მწვავე განხილვების საგანი გახდა, ერთი მხრივ სასამართლო ავტორიტეტი და მეორე მხრივ გამოხატვის თავისუფლების დაცვა. ამ კუთხით წამოყენებულ იქნა იდეები საკანონმდებლო ცვლილებების საჭიროებაზეც, რამაც არაერთგვაროვანი დამოკიდებულება გამოიწვია საზოგადოებაში. იდეის ავტორები მიუთითებდნენ სასამართლოს ავტორიტეტის დაცვის საჭიროებაზე, მეორე მხრივ კი ისმოდა მწვავე კრიტიკული შენიშვნები გამოხატვის თავისუფლების შეზღუდვის ამ იდეასთან დაკავშირებით. საჯარო დისკუსიაზე განიხილეს ამ იდეის მომხრეთა და მოწინააღმდეგეთა პოზიციები და არგუმენტები, თუ როგორია ამ კუთხით საერთაშორისო გამოცდილება და რა თანამედროვე გამოწვევების წინაშე დგას საქართველო ამ მიმართულებით.
კახა ბენდუქიძის საუნივერსიტეტო კამპუსში გაიხსნა იაპონური ენის ახალი აუდიტორია. აუდიტორია აღჭურვილია უახლესი სეტელეკმუნიკაციო სისტემით, ტელეპრეზენსით, რომელიც საშუალებას მისცემს იაპონური ენის შემსწავლელ სტუდენტებს დაესწრონ დისტანციურ ლექციებს და დისკუსიებს იაპონელი ლექტორების და მათი თანატოლი სტუდენტების მონაწილეობით. იაპონური ენის ახალი აუდიტორიის აღჭურვა მოხდა იაპონიის მთავრობის მიერ გამოყოფილი გრასრუთის საგრანტო დახმარებით, რომლის საშუალებითაც გარდა ტელეპერზენსის სისტემისა, ასევე უნივერსიტეტმა შეიძინა თანამედროვე ასლის გადამღები აპარატი, ვიდეო ტექნიკა და იაპონური ენის თანამედროვე სახელმძღვანელოები. გრანტი მთლიანობაში ემსახურება თბილისის თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) იაპონურ მიმართულებაზე იაპონური ენის და კულტურის სწავლების გაუმჯობესებას. იაპონური ენის აუდიტორიის გახსნის ცერემონიალს ესწრებოდნენ იაპონიის საგანგებო და სრულუფლებიანი ელჩი საქართველოში, ტადაჰარუ უეჰარა და სხვა საპატიო სტუმრები საელჩოდან.
თავისუფალი უნივერსიტეტის აზიისა და აფრიკის ინსტიტუტის (საერთაშორისო ურთიერთობების სკოლა) და მომავალ დიპლომატთა კლუბის პროექტის ”I’m the World” ფარგლებში კახა ბენდუქიძის საუნივერსიტეტო კამპუსში გაიმართა ლექცია - დისკუსია ”ტრანსპორტი - ქვეყნის ეკონომიკური განვითარების შესაძლებლობა” როგორ უნდა გახდეს საქართველო რეგიონალური სატრანსპორტო და ლოგისტიკური ჰაბი - სტრატეგიული მნიშვნელობა, სახელმწიფოებრივი პოლიტიკა და ეკონომიკური ასპექტები. საქართველოს სატრანსპორტო სისტემების განვითარების პერსპექტივები და ავიაცია, როგორც გამოწვევა და ახალი შესაძლებლობები. მომხსენებელი - HUB Georgia-ს დამფუძნებელი, ექსპერტი ავიაციის საკითხებში გიორგი კოდუა.
თავისუფალი უნივერსიტეტის არაბული ქვეყნებისა და ისლამური სამყაროს შემსწავლელი ცენტრის დირექტორმა, პროფ. გურამ ჩიქოვანმა მოხსენება წაიკითხა ვაშინგტონის უნივერსიტეტში (UW), სადაც 7-11 ოქტომბერს ჩატარდა საერთაშორისო კონფერენცია ცენტრალური აზიის, კავკასიისა და აღმოსავლეთ ევროპის საკითხებზე. მოხსენება ეხებოდა არაბული სამყაროს მიღმა არსებულ პერიფერიულ არაბულ ენასა და კულტურას, ცენტრალურ აზიაში ექსპედიციების შედეგებს. კონფერენციის ორგანიზატორი ვაშინგტონის უნივერსიტეტთან ერთად იყო აშშ–ს Central Eurasian Studies Society (CESS). კონფერენციაზე ცალკე სხდომა მიეძღვნა კავკასიას, რომელსაც თავმჯდომარეობდა გურამ ჩიქოვანი. მეცნიერმა, კონფერენციის ფარგლებში, მონაწილეობა მიიღო აგრეთვე არაბული სამყაროსადმი მიძღვნილ შეხვედრებსა და დისკუსიებში. გურამ ჩიქოვანი მიწვეულია მომავალ წელს პენსილვანიის პიცბურგის უნივერსიტეტში (University of Pittsburgh). ამჟამად მისი ვიზიტი აშშ–ში Travel Grant-ით უზრუნველყო აშშ–ს მხარემ. კონფერენციაში ასევე მონაწილეობდა აზიისა და აფრიკის ინსტიტუტის კურსდამთავრებული, დუბლინის უნივერსიტეტის მაგისტრანტი მაია მაჭავარიანი.

გვერდები