თავისუფალი და აგრარული უნივერსიტეტის სტუდენტებისათვის პროფესორმა შტეფან ვან ვაზენმა (Stefan Van Waasen) ლექციათა კურსი წაიკითხა. კურსის თემა იყო: "გაზომვები და სენსორული სისტემები".
შტეფან ვან ვაზენი (Stefan van Waasen) არის იულიხის კვლევითი ცენტრის ინჟინერიის ცენტრალური ინსტიტუტის (ელექტრონიკისა და ანალიტიკის) დირექტორი და გერმანიის დუისბუგ-ესენ უნივერსიტეტის პროფესორი (Duisburg-Essen University).
ლექციათა კურსის დამთავრებისას ჩატარდა სტუდენტების შემაჯამებელი ტესტირება და მათ გადაეცათ კურსის გავლის დამადასტურებელი სერტიფიკატი.
პროფესორ ვაზენის მიერ კამპუსში ჩატარებული ლექციათა კურსი რიგით მეორე იყო. შარშან ჩატარებული ლექციათა კურსის შედეგების მიხედვით მის მიერ მოხდა აგრარული უნივერსიტეტის ელექტრო და კომპიუტერული ინჟინერიის მიმართულების 4 სტუდენტის შერჩევა, რომლებიც 2017 წლის სექტემბერში 2 კვირით იმყოფებოდნენ იულიხის კვლევით ცენტრში, ე.წ. „შემოდგომის ლექციების“ კურსის მოსასმენად. ასევე, პროფესორმა ვაზენმა იულიხის ცენტრის ელექტრონიკისა და ანალიტიკის ინსტიტუტში 6 თვის ვადით მკვლევარად მიიწვია ელექტრო და კომპიუტერული ინჟინერიის კურსდამთავრებული მიქაელ გაგოშიძე (ამჟამად იქ იმყოფება), რომელიც სექტემბრიდან სწავლას გააგრძელებს გერმანიაში სამაგისტრო პროგრამაზე.
სიახლეები
თავისუფალი უნივერსიტეტის ბიზნესის სკოლის (ESM) კურსდამთავრებული, დავით ნინიკელაშვილი კარიერას Goldman Sachs-ში გააგრძელებს.
დავითს მოწვევა რამდენიმე ცნობილი კომპანიიდან (მათ შორის Amazon-იდან) ჰქონდა, თუმცა მან საბოლოო არჩევანი Goldman Sachs-ზე შეაჩერა. ეს უკანასკნელი უკვე მრავალი წელია მსოფლიოს ყველაზე პრესტიჟულ ფინანსურ ინსტიტუტად არის მიჩნეული.
დავითი Goldman Sachs-ის საინვესტიციო საბანკო დეპარტამენტს ზაფხულის სტაჟირებისთვის ლონდონში შეუერთდება ხოლო აშშ-ში MBA პროგრამის დამთავრებისთანავე სრულფასოვანი თანამშრომელი გახდება.
დავით ნინიკელაშვილი ახლოწარსულში გახდა CFA-ს სამივე დონის სიგელის მფლობელი, რაც ფინანსების სფეროში დიდი პრესტიჟულობით სარგებლობს.
ჟენევაში გაერთიანებული ერების ორგანიზაციისა და გაეროში ჩინეთის სახალხო რესპუბლიკის მუდმივი წარმომდგენლობის ორგანიზებით, გაიმართა ჩინური ენის დღისადმი მიძღვნილი ღონისძიება თემაზე "ჩინური იეროგლიფებიდან ლიტერატურამდე: ჩინური კულტურის ხიბლი", რომლის დროსაც ლექცია-პრეზენტაციები და მოხსენებები ჩატარდა გაეროს ერების სასახლეში (Palais des Nations).
აღნიშნული ღონისძიება გაეროს ჩინეთის მუდმივი წარმომადგენლობის ელჩმა, იუ ძიენხუამ და ჟენევაში სხვა ქვეყნების წარმომადგენლებმა გახსნეს. მოხსენებით წარსდგნენ ჩინელი პროფესორები და მოწვეული სინოლოგები, მათ შორის თავისუფალი უნივერსიტეტის ჩინეთმცოდნე პროფესორი, მარინე ჯიბლაძე. მან ჩინეთისა და ჩინური კულტურის, მათ შორის იეროგლიფების უნიკალურობაზე ისაუბრა, ჩინური ენის სწავლებისა და კვლევის გამოცდილება გაუზიარა დამსწრე საზოგადოებას. მოხსენებამ დიდი ინტერესი და გამოხმაურება გამოიწვია მსმენელთა შორის.
გახსნის დროს სიტყვით გამოსვლისას, გაეროს წარმომადგენლებმა ხაზი გაუსვეს აღნიშნული ღონისძიების მნიშნველობას და განაცხადეს, რომ მიესალმებიან მსოფლიოს სხვადასხვა ქვეყანაში ჩინური კულტურით დაინტერესებას.
ღონისძიებას ესწრებოდა 200-ზე მეტი სტუმარი.
კამპუსის მცირე საკონფერენციო დარბაზში ჩატ
კამპუსმა უმასპინძლა საერთაშორისო კონფერენ
კონკურსების ‒ „თავისუფალი აზროვნება“, „ჟუ
