ENG GEO

Search form

სიახლეები

საქართველოში იაპონიის საელჩოსა და თბილისის თავისუფალი უნივერსიტეტის აზიისა და აფრიკის ინსტიტუტის იაპონური მიმათულების ორგანიზებით გაიმართა იაპონური ჩაის ცერემონია, რომელსაც უძღვებოდა საქარველოში იაპონიის ელჩის მეუღლე, ჰარუე კაიტანი. ჩაის ცერემონია მჭიდროდ უკავშირდება აღმოსავლეთ აზიაში გავრცელებულ რელიგიურ-ფილოსოფიურ მოძღვრება ძენ ბუდიზმს და დღემდე ინარჩუნებს აქტუალობას იაპონელთა ყოველდღიურ ცხოვრებაში.
კახა ბენდუქიძის საუნივერსიტეტო კამპუსში, ტრადიციულად, თავისუფალი უნივერსიტეტის მართვისა და საზოგადოებრივ მეცნიერებათა სკოლის სტუდენტების ორგანიზებით, გაიმართა ფესტივალი Art Weekend! 9 ივნისს შედგა ფილმის “ნუ მოკლავ ჯაფარას” ჩვენება და საჯარო დისკუსია მის გარშემო, რომელსაც შესავალი ლევან გიგინეიშვილმა გაუკეთა. 10 ივნისს გაიმართა პაატა შამუგიას საჯარო ლექცია თემაზე “ეროტიკა და პოეტიკა,” დავით გაბუნიამ მიმოიხილა “უნდა იყოს თუ არა თანამედროვე ლიტერატურა აქტუალური?” საღამო დასრულდა “კაცების შოუს” წარმოდგენით, ირაკლი კაკაბაძის, დავით ლაბაძისა და გიორგი ჯანელიძის მონაწილეობით. ამდენი წლის მერე ისევ შეიკრა შესანიშნავი ოთხეული. 11 ივნისს მიშა მშვილდაძემ ისაუბრა ტელევიზიებისა და TV-შოუების ძალაზე, მოგვიანებით შედგა შეხვედრა კახა თოლორდავასა და გია ხადურთან, რომლებმაც მიმოიხილეს, თუ “რატომ გვძულს Pink Floyd, ელექტრონული მუსიკა, ანდერგრაუნდი, კინომუსიკა, ფსიქოდელია, პროგრესივი, თავისუფლების მუსიკა, იმპროვიზაცია და სხვა.” Art Weekend-ი დასრულდა ჯგუფი “არას” სუპერლაივით! არტ ვიქენდი კიდევ იქნება, თან აუცილებლად
თავისუფალი უნივერსიტეტის ფიზიკის სკოლის მეორე კურსის სტუდენტები გიორგი ბახტაძე და გიორგი არსენაძე საზაფხულო ერთთვიან სტაჟირებას (internship) მიუნჰენის ლუდვიგ მაქსიმილიანის უნივერსიტეტში (LMU) გაივლიან. გერმანიაში ყოფნისას სტუდენტები ჩაერთვებიან სამეცნიერო კვლევებში რომლებიც მიმდინარეობს LMU-ში. მიუხედავად იმისა რომ ორივე გიორგი ჯერ კიდევ საბაკალავრო სკოლაში სწავლობს, ისინი უკვე ჩართულები არიან თავისუფალი უნივერსიტეტის ფიზიკის სკოლაში მიმდინარე სამეცნიერო მოღვაწეობაში. მათ განახორციელეს და პრესტიჟულ საერთაშორისო ჟურნალებში გამოაქვეყნეს ორი შთამბეჭდავი თეორიული ნაშრომი, რომელთა შედეგებს სტუდენტები წარადგენენ LMU-ს სამეცნიერო სემინარზე. გიორგი ბახტაძის და გიორგი არსენაძის მიუნჰენში მგზავრობის და ცხოვრების ხარჯებს მთლიანად დაფარავს გერმანული მხარე.
აგრარული უნივერსიტეტი ეხმიანება ბიზნესის ადმინი
2018 წელს IET-ის ორგანიზებით გამოიცემა წიგნი: „Advances in Mathematical Methods for Electromagnetics“. წიგნის ერთ-ერთი თავი ეძღვნება თავისუფალი უნივერსიტეტის პროფესორის, ვახტანგ ჯანდიერის მიერ შემუშავებულ მეთოდს. აღნიშნული მეთოდის საშუალებით შესაძლებელია რიცხობრივად სწრაფად და ეფექტურად ჩატარდეს ელექტრომაგნიტური გამოსხივების ანალიზი ცილინდრული ტიპის სტრუქტურებისათვის. აღნიშნული მეთოდი ერთნაიარად ეფექტურად გამოიყენება როგორც ნანოსტრუქტურების ანალიზისათვის, ასევე უფრო დაბალი სიხშირეების შემთხვევაში - მიკრო და მილიმეტრული ზომის სტრუქტურებისათვის. თანამედროვე ტექნოლოგიების ეპოქაში, როდესაც სტრუქტურების გეომეტრია საგრძნობლად რთულდება, ეფექტური რიცხვითი მეთოდების შემუშავება ერთ-ერთი აუცილებელი კომპონენტია ელექტრო და კომპიუტერულ ინჟინერიაში. მეთოდი შემუშავებულია იაპონიის კიუშუს უნივერსიტეტთან ერთობლივი მუშაობის შედეგად. IET (Institution of Engineering and Technology), რომლის ისტორია 1871 წელს იწყება, ყველაზე დიდი საინჟინრო ინსტიტუტია მსოფლიოში. იგი აერთიანებს ინჟინერიის სხვადასხვა დარგების სპეციალისტებს მთელი მსოფლიოდან.
თავისუფალი უნივერსიტეტის აზიისა და აფრიკის ინსტიტუტის ჩინური მიმართულების სტუდენტმა, მარიამ ჩახაიამ, კონკურსის შედეგად დაიწყო მუშაობა საქართველოში ჩინეთის სახალხო რესპუბლიკის საელჩოში ადმინისტრაციულ ასისტენტად. მარიამმა ჩინური ენის შესწავლა დაიწყო თავისუფალ უნივერსიტეტში, კარგ აკადემიურ მოსწრებასთან ერთად, ის ყოველ წელს გადიოდა HSK-ის საერთაშორისო გამოცდაზე და უკვე C2 დონის გამოცდაც ჩააბარა. მესამე კურსის შემდეგ მან ჩინეთის მთავრობის სტიპენდია მოიპოვა და გაიარა ერთწლიანი სტაჟირება ჩინეთში ჭეძიანგის უნივერსიტეტში მარიამი ბოლო პერიოდში მუშაობდა ნიუტონის სკოლაში ჩინური ენის მასწავლებლად, თავისუფალი უნივერსიტეტის კონფუცის ინსტიტუტში თარჯიმნადაც არაერთხელ უმუშავია. მომავალში აპირებს საქართველოს მაღალი დონის სინქრონულ თარჯიმნად მუშაობას, რისთვისაც შესაბამისი ცოდნა და უნარები გააჩნია. აღსანიშნავია, რომ ბოლო რამდენიმე წლის განმავლობაში ჩინური ენის მიმართულების მეოთხე კურსის სტუდენტების და კურსდამთავრებულების უმრავლესობა წარმატებულად საქმდება კერძო და სახელმწიფო სტრუქტურებში (საქართველოში ჩინეთის და ჩინეთში საქართველოს საელჩოებში, წამყვან უნივერსიტეტებში, საერთაშორისო ორგანიზაციებში და სხვა), რაც მეტყველებს ჩინური მიმართულების წარმატებულ მუშაობასა და ჩინური ენის სწავლის პერსპექტივაზე.
თავისუფალი უნივერსიტეტის საერთაშორისო ურთიერთობების სკოლის (აზიისა და აფრიკის ინსტიტუტი) სტუდენტი - ზურა ოშხნელი iGeneration-ის პროგრამის გამარჯვებული გახდა. ზურა სწავლას ოთხი წლით ირლანდიაში, ლიმერიკის უნივერსიტეტში, ფონდის სრული დაფინანსებით გააგრძელებს. პროგრამა ფარავს სწავლის, საცხოვრებლისა მგზავრობის სრულ ხარჯებს. iGeneration არის კერძო ფონდი, რომელიც ორიენტირებულია მაღალი აკადემიური მოსწრების სტუდენტების მხარდაჭერაზე. პროგრამა უკვე რამდენიმე წელია ყოველწლიურად ავლენს გამარჯვებულებს და არსებობის განმავლობაში, ყოველთვის თავისუფალი უნივერსიტეტის სტუდენტი იმარჯვებდა. წელს პირველი შემთხვევაა, თავისუფალი უნივერსიტეტის სტუდენტთან ერთად, სტიპენდია აგრარული უნივერსიტეტის სტუდენტმაც მოიპოვა. შესაბამისად, ირლანდიაში ზურასთან ერთად აგრარული უნივერსიტეტის სტუდენტი, ელენე მაისურაძეც გაემგზავრება.
რამდენიმე დღის წინ თავისუფალი უნივერსიტეტის ფიზიკის სკოლის პროფესორმა, ზაზა ოსმანოვმა გამოაქვეყნა სტატია დაისონის სფეროს შესახებ. ჩვენი დროის გამოჩენილი მეცნიერის, ფრიმან დაისონის აზრით, თუ სუპერცივილიზაცია არსებობს, მაშინ ეს ცივილიზაცია ვარსკვლავების გარშემო ენერგიას სუპერკონსტრუქციებით შეაგროვებს. თავისუფალი უნივერსიტეტის პროფესორი წერს, რომ უფრო ეფექტური იქნება ეგრეთ წოდებული "პულსარის" გამოყენება, რადგან პულსარი პატარა ვარსკვლავის ნარჩენია და ამავე დროს შეიძლება თანამედროვე მეთოდებით მისი დაკვირვება. ზაზა ოსმანოვის სტატიას მოყვა უამრავი გამოხმაურება და მის ამ თეორიას მსოფლიოს წამყვანი სამეცნიერო პორტალები ციტირებენ. უფრო მარტივად, საკმარისია გუგლში ამ ორი მეცნიერის გვარები (Osmanov Dyson) ჩავწეროთ, ჩვენ თავად გავხდებით მომსწრეები, რამხელა რეზონანსი გამოიწვია თავისუფალი უნივერსიტეტის პროფესორის სტატიამ სოფლიო სამეცნიერო მედიაში.
თავისუფალი უნივერსიტეტის MACS-ის სკოლის ელექტრო და კომპიუტერული ინჟინერიის მიმართულების მესამე კურსის სტუდენტი გუგა ბურდული მოხსენებით წარსდგა საერთაშორისო სიმპოზიუმზე PIERS'17 (Progress in Electromagnetics Research Symposium). სიმპოზიუმი ყოველწლიურია და თავს უყრის ინჟინერიის კუთხით ელექტრომაგნეტიზმისა და ოპტიკის სფეროში მომუშავე მეცნიერებს. გუგას თემა ეხებოდა ახალი ტიპის ანტენური სისტემების შექმნას, რომელთა სტრუქტურა საინჟინრო თვისებებიდან გამომდინარე საკმაოდ განსხვავდება ყოველდღიურობაში გამოყენებული ანტენური სისტემებისაგან. აღნიშნული სიმპოზიუმი არ არის სტუდენტური თუმცა, მიუხედავად გუგას ასაკისა, გუგამ შეძლო თავი გაერთვა საკმაოდ რთული თემისათვის. თემა შესრულებულია გერმანიის და იაპონიის უნივერსიტეტებთან ერთად. სიმპოზიუმზე გუგა თემის ხელმძღვანელთან, მაქსის სკოლის პროფესორ, ვახტანგ ჯანდიერთან ერთად იმყოფება.

გვერდები