ENG GEO

Search form

სიახლეები

2018 წლის 2 დეკემბერს, თბილისის თავისუფალი უნივ
თავისუფალი უნივერსიტეტის ფიზიკის სკოლის მესამე კურსის სტუდენტი გიორგი წერეთელი ერთი სემესტრის განმავლობაში პოლონეთში, ზელონა გორას უნივერსიტეტში იმყოფებოდა. ვიზიტი დაფინანსდა ერასმუს+ პროგრამის ხელშეკრულების ფარგლებში რომელიც რამდენიმე წლის წინ გაფორმდა. გიორგი თავისუფალი უნივერსიტეტის უკვე მეხუთე სტუდენტია, რომელმაც წარმატებით გაიარა ზელონა გორას უნივერსიტეტის სასწავლო კურსები. გიორგი წერეთელი ჯერ კიდევ მეორე კურსიდან ჩაერთო კვლევით მუშაობაში. ამ კვლევის წინასწარი შედეგები გიორგიმ ცოდნის ფონდის ფინანსური მხარდაჭერით 2017 წელს იტალიის ქალაქ ტურინში გამართულ ფიზიკის სტუდენტურ საერთაშორისო კონფერენციაზე წარადგინა.
თავისუფალი უნივერსიტეტის ფიზიკის სკოლის მესამე კურსის სტუდენტი მიხეილ სოხაშვილი საზაფხულო სტაჟირებაზე (internship) მიუნჰენის ლუდვიგ მაქსიმილიანის უნივერსიტეტში (LMU) იმყოფებოდა. მიხეილი ჩართული იყო სამეცნიერო კვლევებში რომლებიც მიმდინარეობს LMU-ში. LMU მსოფლიოს ერთერთი წამყვანი სამეცნიერო ცენტრია. მიხეილ სოხაშვილის მონაწილეობა LMU-ში მიმდინარე კვლევებში სერიოზული განაცხადია მისი შემდგომი კარიერული ზრდისათვის.
თავისუფალი უნივერსიტეტის ფიზიკის სკოლის მეოთხე კურსის სტუდენტი თიკო ბარათაშვილი სწავლას ბელგიაში გააგრძელებს. თიკო სამაგისტრო პროგრამაზე ლიუვენის კათოლიკურ უნივერსიტეტში ჩაირიცხა. სწავლისა და ცხოვრების ხარჯებს ბელგიური მხარე დაფარავს. 2017 წელს ბარათაშვილი გაცვლითი პროგრამის ფარგლებში ერთი სემესტრის განმავლობაში იმყოფებოდა ზელენა გორას (პოლონეთი) უნივერსიტეტში, ასევე, მონაწილეობა მიიღო ვარშავაში გამართულ სამეცნიერო კონფერენციის "კომპაქტური ობიექტები" მუშაობაში და ამა წლის 1-5 ივლისს ესწრებოდა თეორიული ფიზიკის სამეცნიერო კონფერენციას, რომელიც ერევანში გაიმართა. ლიუვენის კათოლიკური უნივერსიტეტი უკვე სამი წელია ევროპის ყველაზე ინოვაციური უნივერსიტეტის ტიტულს ფლობს. თიკო ბარათაშვილი სწავლას სექტემბრიდან დაიწყებს.
მართვისა და საზოგადოებრივი მეცნიერებების სკოლის კურსდამთავრებული, თეონა სეხნიაშვილი სწავლას გააგრძელებს ცენტრალური ევროპის უნივერსიტეტში. თეონა პოლიტიკის მეცნიერებების სამაგისტრო პროგრამაზე (Master of Arts in Political Science) ერთი წლის განმავლობაში ისწავლის. კურსი ინტერდისციპლინარულია და მოიცავს ისეთ კურსებს, როგორებიცაა პოლიტიკის თეორია, შედარებითი პოლიტიკა, პოლიტიკური ეკონომიკა, სოციოლოგია, ევროპის ქვეყნების პოლიტიკური სისტემები და ა.შ. სწავლისა და საცხოვრებლის ხარჯებს მთლიანად ფარავს ცენტრალური ევროპის უნივერსიტეტი და ამასთან ერთად, თეონას ექნება ყოველთვიური სტიპენდიაც.
თავისუფალი უნივერსიტეტის საერთაშორისო ურთიერთობების სკოლის ესპანური მიმართულების კურსდამთავრებულმა თათია ლოლუამ წარმატებით დაამთავრა მაგისტრატურა (MA International Studies on Media, Power and Difference) ბარსელონას უნივერსიტეტში (Universitat Pompeu Fabra). თათიამ საბოლოო პროექტად აირჩია თემა: თანამედროვე რუსული ომი: ქართულ სოციალურ მედიაში რუსული პროპაგანდის კონტენტ ანალიზი (Russian Contemporary War: A Content Analysis of Russian Propaganda in Georgian Social Media).
თავისუფალი უნივერსიტეტის საერთაშორისო ურთიერთობების სკოლის კურსდამთავრებული, სალომე პაჭკორია სწავლას აშშ-ში Middlebury Institute of International Studies-ში 2.5 წლიან სამაგისტრო პროგრამაზე გააგრძელებს. უნივერსიტეტი კალიფორნიის შტატში ქალაქ მონტერეიშია განთავსებული. 2015 წელს Foreign Policy-ის რეიტინგის მიხედვით ინსტიტუტი 21-ე ადგილს იკავებს Top Master's Programs for Policy Career in International Relations-ში. სასწავლო კურსი ორ პროგრამას აერთიანებს: "საერთაშორისო პოლიტიკისა და განვითარების და საერთაშორისო ეკონომიკისა და ეკონომიკური დიპლომატიის გაერთიანებული სამაგისტრო პროგრამა". სალომეს სწავლის და ცხოვრების ხარჯებს აანაზღაურებს ამერიკიდან თავად უნივერსიტეტი, საქართველოდან კი განათლების საერთაშორისო ცენტრი. ამას გარდა სალომეს კიდევ სამი მაღალრეიტინგული უნივერსიტეტისგან ჰქონდა შემოთავაზება, თუმცა მან საბოლოოდ მიდლბერი აარჩია.
თავისუფალი უნივერსიტეტის მართვისა და საზოგადოებრივი მეცნიერებების სკოლის კურსდამთავრებული, მეგი ქარცივაძე სწავლას ბუდაპეშტში, ცენტრალური ევროპის უნივერსიტეტში (CEU), MA in Nationalism Studies სამაგისტრო პროგრამაზე გააგრძელებს. მეგის სრულად დაუფინანსდება სწავლისა ცხოვრების ხარჯები და ის ასევე მიიღებს სტიპენდიას. მეგი ქარცივაძეს ასევე ჰქონდა შემოთავაზება რამდენიმე მაღალრეიტინგული უნივერსიტეტიდან, თუმცა, მან საბოლოოდ ცენტრალური ევროპის უნივერსიტეტი აარჩია.
თავისუფალი უნივერსიტეტის ფიზიკის სკოლის კურსდამთავრებულ გიორგი ჭანტურიას ერთდროულად გერმანიის სამი უნივერსიტეტი იწვევს სამაგისტრო პროგრამაზე. რამდენიმე დღის წინ მან შემოთავაზება აახენის რეინ-ვესტფალის ტექნიკური უნივერსიტეტიდან მიიღო , ხოლო დღეისათვის მას უკვე ფრიდრიხ ვილჰელმის რაინის (ბონი) და ლაიბნიცის (ჰანოვერი) უნივერსიტეტებიც იწვევს. სამივე უნივერსიტეტი გერმანული უნივერსიტეტების რეიტინგების მიხედვით ტოპ ათეულში შედის. გიორგი ჭანტურია თავისუფალი უნივერსიტეტის გამორჩეული სტუდენტია , რომელმაც ფიზიკის სკოლა 2017 წელს უმაღლესი ქულებით დაამთავრა და ამავე წელს მან თავისუფალი და აგრარული უნივერსიტეტის საბუნებისმეტყველო მეცნიერებების სამაგისტრო პროგრამაზე ჩააბარა. სწავლის პერიოდში გიორგი აქტიურად იყო ჩართული სამეცნიერო მოღვაწეობაში, გამოქვეყნებული აქვს სამეცნიერო ნაშრომი პრესტიჟულ ამერიკულ ჟურნალში და მოხსენებებით გამოვიდა რამდენიმე საერთაშორისო კონფერენციაზე.
თავისუფალი უნივერსიტეტის მართვისა და საზოგადოებრივი მეცნიერებების სკოლის კურსდამთავრებული, ლევან თევდორაძე სწავლას ბუდაპეშტში, ცენტრალური ევროპის უნივერსიტეტში (CEU) გააგრძელებს. ლევანი Master of Public Administration სამაგისტრო პროგრამაზე ისწავლის. პროგრამა ორწლიანია და ლევანის სასწავლო და საცხოვრებელ ხარჯებს თავად უნივერსიტეტი და განათლების საერთაშორისო ცენტრი სრულად უზრუნველყოფენ.

გვერდები