თავისუფალი უნივერსიტეტისა და Edison-ის მი
სიახლეები
თავისუფალი უნივერსიტეტის არაბული ქვეყნებისა და ისლამური სამყაროს შემსწავლელი ცენტრის დირექტორი, პროფესორი გურამ ჩიქოვანი იმყოფებოდა უზბეკეთის ბუხარისა და კაშკადარიის რეგიონებში პერიფერიული არაბული დიალექტების კვლევის ფარგლებში.
არაბისტიკის ამ მიმართულებას გასულ საუკუნეში საფუძველი ჩაუყარა გამოჩენილმა მეცნიერმა, აკადემიკოსმა გიორგი წერეთელმა და იგი დღემდე წარმოადგენს არაბისტიკის ქართული სამეცნიერო სკოლის პრიორიტეტულ მიმართულებას.
გურამ ჩიქოვანი შეხვდა აგრეთვე ბუხარის, კარშისა და სამარყანდის უნივერსიტეტების ხელმძღვანელობას და საჩუქრად გადასცა ხსენებულ უნივერსიტეტებს თავისი მონოგრაფიები ბუხარისა და კაშკადარიის არაბული დიალექტების შესახებ. მომავალ წელს, სამარყანდის უნივერსიტეტში, იუნესკოს ეგიდით, იხსნება არაბული და ისლამური კულტურის ცენტრი, რომელთანაც განისაზღვრა მომავალი ურთიერთობები. მეცნიერმა წაიკითხა აგრეთვე საჯარო ლექციები ბუხარისა და კარშის უნივერსიტეტებში.
17 ნოემბერი - 30 ნოემბერი, 2018
გამოფენის გახსნა შაბათი, 17 ნოემბერი, 16:00-19:00 საათამდე
ანასტასია ახვლედიანი
მარიამ ცალანი
ინგა ხატიაშვილი
თიკა შელია
სოფო ჯაყელი
დიპლომის ხელმძღვანელები:
ლევან მინდიაშვილი
ნია მგალობლიშვილი
სანდრო ჩხაიძე
თავისუფალი უნივერსიტეტის ვიზუალური ხელოვნების, არქიტექტურისა და დიზაინის სკოლა მოხარულია წარმოგიდგინოთ ხელოვნების პროგრამის პირველი კურსდამთავრებულების სადიპლომო ნამუშევრების გამოფენა.
ექპოზიცია აერთიანებს ვიზუალური ხელოვნების და დიზაინის პროგრამის სამივე მიმართულების: ფერწერის, ინტერიერის დიზაინისა და კომუნიკაციის დიზაინის სტუდენტების სადიპლომო ნამუშევრებს. გამოფენა VA[A]DS-ის შენობის პირველ და მეორე სართულის გალერეებშია წარმოდგენილი.
თიკა შელია ინტერიერის დიზაინის კურსდამთავრებულია და მისი სადიპლომო ნამუშევარი სამნაწილიანი ინსტალაციაა სათაურით “უსახელო ნიშნები." ნამუშევარი საგამოფენო სივრცის ორ სართულზეა განაწილებული. თიკა შელია ინსტალაციის ვერტიკალური ფერადი გამჭვირვალე “ფარდებით” საინტერესო დინამიკას ქმნის სივრცეში. ავტორი ფერადი “ფარდების” ფონზე სამ ობიექტს წარმოგვიდგენს. ეს ქანდაკება-ობიექტები ერთი შეხედვით ნაცნობ ფუნქციურ ნივთებს გვაგონებენ, თუმცა მათ თავისი საწყისი დანიშნულება დაკარგული აქვთ. ინსტალაცია საბჭოთა პერიოდის არქიტექტურისა და ძველი ქართული პროდუქტის დიზაინის ნაზავია.
ფერწერის მიმართულების კურსდამთავრებული ანასტასია ახვლედიანის ნამუშევრების სერია “თამაში რა გასართობია?” შელიას ინსტალაციის მსგავსად ორივე სართულზეა გამოფენილი. ახვლედიანის სადიპლომო ნამუშევარი მრავალ ობიექტს მოიცავს. მთლიანი სერია სამნაწილიანია და შექმნილია ვირტუალური თამაშების ვიზუალური იმიჯების გავლენით. ორგანზომილებიანი ობიექტები კედელზეა გამოფენილი. ისინი განსხვავებული ფორმებით იმეორებენ ვირტუალური თამაშების პრინციპებს, თუმცა მათ აქვთ ერთი საერთო: სამივე თამაში არის წაგებული. ავტორის აზრით, ამ კონკრეტული თამაშებიდან მხოლოდ მაშინ ვიღებთ საინტერესო ვიზუალს თუ ისინი წაგებულია.
სოფო ჯაყელი, ინგა ხატიაშვილი და მარი ცალანი კომუნიკაციის დიზაინის კურსდამთავრებულები არიან.
ინგა ხატიაშვილის სადიპლომო პროექტი მოიცავს ფიქტიური კომპანიის "ფორტაიდი"-ს ბრენდბუქის ანუ ვიზუალური იდენტობის შექმნას. "ფორტაიდი" არის კომპანია, რომლის მისია თანამედროვე და ტრადიციული ქართული მუსიკის ციფრული და ფიზიკური პლატფორმის შექმნაა. ლოგო ინსპირირებულია ოთხი მუსიკალური მიმართულებით, რომლებიც გამოფენაზე ცალკეული პლაკატის სახით არიან წარმოდგენილები.
სოფო ჯაყელის ნამუშევარი წარმოადგენს ქართულ ბაზარზე აქამდე არარსებული პროდუქტის - მუქი სიდრის ბრენდბუქსა და პლაკატს. ბრენდის შექმნის ინპირაცია გამომდინარეობდა სიახლის შემოტანის სურვილით. ქართული კულტურაში ღვინო ტრადიციული ელემენტია, ხოლო სოფო ჯაყელის მიერ არჩეული მუქი სიდრი, მორგებულია ახალგაზრდულ სექტორზე და მას მრავალფეროვნება შემოაქვს, გამოირჩევა ინოვაციური გემოთი და განსაკუთრებული მუქი ფერით.
მარიამ ცალანის სადიპლომო ნამუშევარი სამეფო უბნის თეატრის ბრენდბუქი და პლაკატებია. მისთვის უშუალოდ პროექტზე მუშაობა მოიცავდა თეატრის შესახებ ინფორმაციის შეგროვებას, ინტერიერის შესწავლას, სპექტაკლებზე დასწრებას, თეატრის თანამშრომლებთან და მაყურებლებთან კომუნიკაციას. ეს მას დაეხმარა მთლიანად გაეთავისებინა ‘სამეფო უბნის თეატრის’ სული და ამ გამოცდილებამ ვიზუალური ფორმით ბრენდ ბუქის სახე მიიღო.
"თანასწორად" ესე იგი "უსამართლოდ" - იარონ ბრუკი.
კახა ბენდუქიძის კამპუსში, თავისუფალი და აგრარული უნივერსიტეტების მოწვევით, საჯარო ლექციას ჩაატარებს "Ayn Rand"-ის ინსტიტუტის აღმასრულებელი დირექტორი.
22 ნოემბერს, 19:00 საათზე, საკონფერენციო დარბაზში (აუდიტორია #200).
დასწრება თავისუფალია.
თავისუფალი უნივერსიტეტის ფიზიკის სკოლის მეოთხე კურსის სტუდენტი რატი გოშაძე რამდენიმე წელია ჩართულია ფიზიკის სკოლაში მიმდინარე კვლევით პროცესში.
კერძოდ, ის დაინტერესდა გადაგვარებული რელატივისტური პლაზმის საკითხებით და შეისწავლა ასეთ გარემოში ელექტრომაგნიტური კონის ფილამენტაციური არამდგრადობის შესაძლო გენერაცია. რატიმ ანალიზურად და რიცხობრივად აჩვენა რომ არამდგრადობა ვითარდება როგორც სუსტ, ისე ძლიერად გადაგვარებულ რელატივისტურ პლაზმაში.
ნაშრომი გაგზავნილია საერთაშორისო რეფერირებად სამეცნიერო ჟურნალში. კვლევის ნახვა შესაძლებელია სამეცნიერო სტატიების არქივში https://bit.ly/2zGApnP.
თავისუფალი უნივერსიტეტის მართვისა და საზოგადოებრივი მეცნიერებების სკოლის კურსდამთავრებული მეგი ქარცივაძე სამეცნიერო ჟურნალის, Slovo UCL-ის აღმასრულებელ რედაქტორად დაინიშნა.
მეგი ლონდონში, London's Global University-ს სამაგისტრო პროგრამაზე სწავლობს. ჟურანალი SLOVO კი უნივერსიტეტის School of Slavonic and East European Studies დეპარტამენტის მაგისტრატურისა და დოქტორანტურის სტუდენტების მიერ გამოიცემა და მასში იბეჭდება სამეცნიერო სტატიები პოსტ საბჭოთა სივრცის, რუსეთის, ცენტრალური და აღმოსავლეთ ევროპის შესახებ.
VA[A]DS-ის სტუდენტი, ანა ჯიბლაძე ახალი მედიის საერთაშორისო რეზიდენციაში მიიღებს მონაწილეობას.
პროგრამა უკრაინის დედაქალაქ, კიევში ჩატარდება და 15-დან 26 ოქტომბრამდე ჩატარდება.
დეტალური ინფორმაცია შეგიძლიათ იხილოთ აქ: https://kavaleridze.wixsite.com/revision/kopiya-open-call
თავისუფალი უნივერსიტეტის ფიზიკის სკოლის სტუდენტის, გიორგი წერეთლის კვლევა საერთაშორისო რეფერირებადმა სამეცნიერო ჟურნალმა Physica Scripta-მ მიიღო გამოსაქვეყნებლად.
გიორგიმ ანალიზურად და რიცხობრივად შეისწავლა მეორე სიბლანტის კოეფიციენტის გავლენა ჰიდროდინამიკურ დინებებში აღძრულ ე.წ. წანაცვლებით არამოდალურ არამდგრადობებზე.
გიორგიმ ამ კვლევის წინასწარი შედეგები ცოდნის ფონდის ფინანსური მხარდაჭერით 2017 წელს იტალიის ქალაქ ტურინში გამართულ ფიზიკის სტუდენტურ საერთაშორისო კონფერენციაზე წარადგინა.
ნაშრომის ნახვა შესაძლებელია ამ მბულზე (http://freeuni.edu.ge/en/node/1965), სადაც ასევე გაეცნობით თავისუფალი უნივერსიტეტის ფიზიკის სკოლის ბაკალავრიატის სტუდენტთა მიერ წარმოებულ სხვა ნაშრომებსაც.
MACS-ელები, გიორგი ბესტავაშვილი და ბექა ბაბუნაშვილი სწავლას უნგრეთში, Budapest University of Technology and Economics-ში გააგრძელებენ. უნივერსიტეტი 1782 წელს დაარსდა, ევროპაში ერთ-ერთ საუკეთესოდ ითვლება კომპიუტერული ინჟინერიის მიმართულებით.
გიორგიმ და ბექამ გაიმარჯვეს სასტიპენდიო პროგრამაში Stipendium Hungaricum.
წყვილს ეკუთვნის სოციალური პროექტი Sign&Sound, ელექტრონული ხელთათმანი, რომელიც ჟესტების ენას სმარტფონთან დაკავშირებისას სუბტიტრებად თარგმნის, რაც ამ კატეგორიის შეზღუდული შესაძლებლობების მქონეებს უმარტივებს კომუნიკაციას. პროექტს არაერთი პრიზი აქვს მოგებული.
გიორგი და ბექა უნგრეთშიც აგრძელებენ პროექტის განვითარებაზე მუშაობას.
თავისუფალი უნივერსიტეტის მართვისა და საზოგადოებრივი მეცნიერებების სკოლის კურსდამთავრებული მარიამ მენთეშაშვილი სწავლას დიდ ბრიტანეთში Goldsmiths, University of London-ში სამაგისტრო პროგრამაზე გააგრძელებს.
ლონდონში ის სოციალური ანთროპოლოგიის ფაკულტეტზე ჩაირიცხა.
მარიამმა მართვისა და სოციალური მეცნიერებების საბაკალავრო სკოლა 2016 წელს დაამთავრა. მისი ძირითადი ინტერესის სფეროებია ციფრული და ფსიქიატრიული ანთროპოლოგია.