არაბული ქვეყნებისა და ისლამური სამყაროს შემსწავლელი ცენტრი | თავისუფალი უნივერსიტეტი
ENG GEO

Search form

არაბული ქვეყნებისა და ისლამური სამყაროს შემსწავლელი ცენტრი

 

არაბული ქვეყნებისა და ისლამური სამყაროს შემსწავლელი ცენტრი არის თბილისის თავისუფალი უნივერსიტეტის სტრუქტურული ერთეული, რომელიც შექმნილია თბილისის თავისუფალი უნივერსიტეტის წესდების მე-9 მუხლის 9.2 პუნქტის საფუძველზე.

ცენტრის მიზანია განახორციელოს კულტურული, საგანმანათლებლო და კვლევითი საქმიანობა არაბული/ისლამური სამყაროს შესწავლის მიზნით; ხელი შეუწყოს საქართველოსა და არაბულ ქვეყნებს/ისლამურ სამყაროს შორის კულტურული, სამეცნიერო, საგანმანათლებლო, ტექნიკური და ეკონომიკური ურთიერთობების განვითარებას;

გააცნოს არაბული, ისლამური კულტურა და ცივილიზაცია დაინტერესებულ პირებს; ხელი შეუწყოს დიალოგს კულტურათა შორის მრავალმხრივი ღონისძიებებით, მთარგმნელობითი საქმიანობით;

ჩამოაყალიბოს სასერტიფიკატო კურსები, რაც მიზნად ისახავს არაბული/ისლამური სამყაროს მრავალმხრივ შესწავლას, აღმოსავლეთში მიმდინარე პროცესების სიღრმისეულ წვდომას;

განახორციელოს სტუდენტებისა და ექსპერტების მონაწილეობით პროექტები, რომელიც ემსახურება არაბული/ისლამური ცივილიზაციის ძეგლების წარმოჩენასა და შესწავლას არაბული სამყაროს გარეთ; შეისწავლოს ქართულ–არაბული ისტორიული და კულტურული ურთიერთობები, თანამედროვე კავშირ-ურთიერთობები ისლამურ სამყაროსთან;

განახორციელოს არაბულ და ისლამურ ქვეყნებში არსებული ქართულ–საზღვარგარეთული ურთიერთობების ამსახველი მასალების მოძიება და შესწავლა;

ჩაატაროს საქართველოსა და არაბულ/ისლამურ ქვეყნებში კულტურის დღეები, გამოფენები, თემატური ფორუმები; ხელი შეუწყოს ბიზნეს ურთიერთობების განვითარებას საქართველოსა და არაბულ/ისლამურ ქვეყნებს შორის, ასევე მთარგმნელობითი საქმიანობისათვის სათანადო კადრების მომზადებას; განახორციელოს არაბულ/ისლამურ სამყაროსთან ურთიერთობით დაინტერესებული პირებისათვის კვალიფიციური კონსალტინგი.