26 ივნისს, 16:00 სთ-ზე, თავისუფალ უნივერსიტეტში ლექცია ნობელის პრემიის ლაურეატმა, რობერტ ალექსანდერ მანდელმა წაიკითხა.

ლექციის ვიდეო ჩანაწერი  და პრეზენტაცია

მანდელი კოლუმბიის უნივერსიტეტის ეკონიმიკის პროფესორია, ვანკუვერში დაამთავრა ბრიტანული კოლუმბიის უნივერსიტეტი. 1956 წელს მასაჩუსეთსის ტექნოლოგიურ უნივერსიტეტში მიიღო  დოქტორის ხარისხი. წარმატებით სწავლობდა ლონდონის ეკონომიკის სკოლაში. 1999 წელს მან მიიღო ნობელის პრემია ეკონომიკაში. 1974 წელს მანდელი გახდა კოლუმბიის უნივერსიტეტის ეკონომიკური დეპარტამენტის პროფესორი. 2001 წლიდან ის ფლობს კოლუმბიის უნივერსიტეტის ეკონომიკის უმაღლეს რანგს  - არის უნივერსიტეტის პროფესორი. სხვადასხვა დროს იყო მაკგილის, ჯონს ჰოპკინსის უნივერსიტეტებისა და  პოლ ნიტცეს სახელობის საერთაშორისო მეცნიერებების უმაღლესი სკოლის პროფესორი.

2002 წელს მანდელი გახდა კანადის ორდენოსანი - მას წოდება მიანიჭა დედოფალმა  გამორჩეული მოღვაწეობისათვის.

1970 წელს, როდესაც მანდელი იყო ვატერლოოს უნივერსიტეტის ხელმძღვანელი, პარალელურად მუშაობდა ნაშრომზე - მონეტარული დინამიკა და ვალუტის ოპტიმალური ფორმები. ამ ნაშრომმა მყარი ნიადაგი მოამზადა ევროს დამკვიდრებისათვის. სწორედ, ამ ნაშრომისათვის მიიღო მანდელმა ნობელის პრემია ეკონომიკაში.

2005 წელს მან  მიიღო კიელში(გერმანია) არსებული მსოფლიო ეკონომიკის ინსტიტუტის გლობალური ეკონომიკური ჯილდო. ხოლო, იმავე წლის სექტემბერში  გახდა Gran Croce del Reale Ordine del Merito sotto il Titolo di San Ludovico by Principe Don Carlo Ugo di Borbone Parma-ის კავალერი. ზონგუაცუნში, ბეიჯინგის რაიონში (ჩინეთის რესპუბლიკა) არსებული მეწარმეობის საერთაშორისო უნივერსიტეტი მანდელის სახელობისაა.

ვრცელი ბიოგრაფია

თემა: ფინანსური და ეკონომიკური კრიზისი 

დრო: 26 ივნისი, 16 საათი 

ხანგრძლივობა: 1 საათი

ადგილმდებაროება: თავისუფალი უნივერსიტეტი / საკონფერენციო დარბაზი