ENG GEO

Search form

მაქსის სტიპენდია 2021

კომპიუტერული მეცნიერების და მათემატიკის პროგრამის კურსდამთავრებულების დაფინანსებით ამავე პროგრამის მესამე კურსის სტუდენტი 2021-22 სასწავლო წელს მიიღებს MACS[E]-ს სტიპენდიას. სტიპენდიის ოდენობა შეადგენს ყოველთვიურად 1,000 ლარს და მისი ხანგრძლივობა იქნება 9 თვე (1 აკადემიური წელი).

კურსდამთავრებულთა მხარდაჭერით მაქსის სტიპენდია წელს უკვე მეორედ ცხადდება და იწყება რეგისტრაცია.

 

სტიპენდიის მიზანი

სტიპენდიის მიზანია კომპიუტერული მეცნიერების და მათემატიკის პროგრამის სტუდენტებს შორის კარგი აკადემიური მოსწრების დამატებით წახალისება. ფინანსური მხარდაჭერა განსაკუთრებით მნიშვნელოვანია მესამე კურსელი სტუდენტისთვის კარიერულ შესაძლებლობებსა და აკადემიურ განვითარებას შორის გადაწყვეტილების მიღებისას, ამ უკანასკნელის სასარგებლოდ არჩევანის გასაკეთებლად.

 

შერჩევის კრიტერიუმები

სტიპენდიის მისაღებად საჭიროა სტუდენტი აკმაყოფილებდეს შემდეგ კრიტერიუმებს:

  • 2021-2022 აკადემიური წლისათვის იყოს კომპიუტერული მეცნიერების და მათემატიკის პროგრამის მესამე კურსის სტუდენტი
  • ჰქონდეს მაღალი აკადემიური მოსწრება
  • არ ჰქონდეს სტუდენტთა ეთიკის კოდექსის დარღვევა
  • გაიაროს რეგისტრაცია
  • წარმატებით გაიაროს გაცნობითი გასაუბრება

სტიპენდიის შენარჩუნებისათვის შერჩეული სტუდენტის GPA არ უნდა იყოს 3.0-ზე დაბალი 2021-2022 სასწავლო წლის განმავლობაში (GPA სემესტრულად გადაიხედება). პირობის დაუკმაყოფილებლობის შემთხვევაში, შემდეგ სემესტრში სტიპენდია ავტომატურად გადაეცემა რიგით შემდეგ საუკეთესო სტუდენტს.

 

სტიპენდიის ინიციატორები

სტიპენდიის დამფინანსებლები არიან კომპიუტერული მეცნიერების და მათემატიკის პროგრამის კურსდამთავრებულები:

ირაკლი ფოფხაძე, მუშაობს Facebook-ის ლონდონის ოფისში
დავით მაღალთაძე, მუშაობს Microsoft-ის პრაღის ოფისში
თამუნა გელდიაშვილი, მუშაობს Amazon-ის ბერლინის ოფისში
ელენე კავთელაძე, მუშაობს Amazon-ის მადრიდის ოფისში
გიორგი ხოსროშვილი, მუშაობს Amazon-ის ლუქსემბურგის ოფისში
გიორგი ცერცვაძე, მუშაობს Amazon-ის ლუქსემბურგის ოფისში
ლაშა ლაკირბაია, მუშაობს Google-ის მაუნთინ-ვიუს ოფისში
თორნიკე მანძულაშვილი, მუშაობს Google-ის ლონდონის ოფისში
გიორგი ქოჩაკიძე, მუშაობს Microsoft-ის ტალინის ოფისში
ქეთევან ურიდია, მუშაობს Amazon-ის ლუქსემბურგის ოფისში

 

რეგისტრაციის ვადა

მაქსის სტიპენდიის კონკურსში მონაწილეობის მისაღებად, აუცილებელია 1 აგვისტოს ჩათვლით დარეგისტრირდეთ აქ.