PROGRAMS

გაცნობითი პროგრამა აბიტურიენტებისათვის

გაცნობითი პროგრამა ჩატარდება 15 ნოემბერს 10:00-ზე კახა ბენდუქიძის კამპუსში.

გაცნობითი პროგრამების ფარგლებში აბიტურიენტებს შესაძლებლობა აქვთ ესტუმრონ უნივერსიტეტს, გაეცნონ მათთვის საინტერესო პროგრამას, სასწავლო გარემოს, მიღების პირობებს, გაესაუბრონ მომავალ ლექტორებს, დაესწრონ სასურველ ლექციებს და მიიღონ ამომწურავი პასუხები მათთვის მნიშვნელოვან კითხვებზე.

საჯარო სემინარი: როგორ იყენებენ იმპერიები დაავადებებს პოლიტიკურ იარაღად

21 ოქტომბერს 18:00 საათზე კახა ბენდუქიძის კამპუსში გაიმერთება მეხსიერების და შფოთვის კვლევის ლაბორატორიის სემინარი: "ჩიყვი და იოდის ნაკლებობა XIX-XX საუკუნეების სვანეთში: როგორ იყენებენ იმპერიები დაავადებებს პოლიტიკურ იარაღად."

რუსეთის იმპერიის დაშლიდან რამდენიმე წლის შემდეგ, ბოლშევიკებს მემკვიდრეობით „ავადმყოფი“ მოსახლეობა ერგოთ. ეს დიდ პრობლემას წარმოადგენდა, რადგან პოპულაციის ფიზიკური ჯანმრთელობა, ლენინის აზრით, გახლდათ სოციალისტური რევოლუციის წარმატების მთავარი საწინდარი. ამავე სულისკვეთებით და საქართველოს სოციალისტური რესპუბლიკის ჯანდაცვის სახალხო კომისარიატის დადგენილებით, სვანეთში ჩიყვის პრობლემა განისაზღვრა, როგორც კრიტიკული მნიშვნელობის „სოციალური კატასტროფა“ და შეიქმნა სამედიცინო-კვლევითი ჯგუფი, რომელიც ექსპედიციაში პირველად 1925 წელს გაგზავნეს.

თბილისისა და მესტიის არქივებში მოპოვებულ პირველად წყაროებზე დაყრდნობით, ავტორი განიხილავს თუ როგორ იყენებდნენ იმპერიები დაავადებებს პოლიტიკურ იარაღად. ამასთანავე, იგი შეადარებს ერთი შეხედვით შეპირისპირებულ იმპერიულ (production of difference) და საბჭოთა (eradication of difference) მმართველობის ტექნიკებს და გამოკვეთს, თუ როგორ ირღვევა მათ შორის განსხვავებები მაშინ, როცა საქმე სვანეთში ჩიყვს ეხება.

ოთარ გულბანმა დაამთავრა თავისუფალი უნივერსიტეტის მართვისა და სოციალური მეცნიერებების საბაკალავრო პროგრამა. მან პროფესორი ნუცა ბათიაშვილის ხელმძღვანელობით დაიცვა თეზისი სახელწოდებით “რუსული იმპერიული ორიენტალიზმი სვანეთში”. 2022 წელს მან ჩააბარა ცენტრალური ევროპის უნივერსიტეტის სოციოლოგიისა და სოციალური ანთროპოლოგიის ორწლიან სამაგისტრო პროგრამაზე, სადაც გააგრძელა კვლევის ხაზი და წარმატებით დაიცვა თეზისი “ჩამორჩენილი და ნაკლოვანი: გამოკვლევები საბჭოთა წარმოსახვებისა და სვანეთის მოდერნიზაციის შესახებ, 1920-1930-იანი წლები/Backward and Deficient: Exploring Soviet Imaginations and the Modernization of Svaneti, 1920-1930s”.

დასწრება თავისუფალია.

გაცნობითი პროგრამა აბიტურიენტებისათვის

გაცნობითი პროგრამა ჩატარდება 18 ოქტომბერს 10:00-ზე კახა ბენდუქიძის კამპუსში.

გაცნობითი პროგრამების ფარგლებში აბიტურიენტებს შესაძლებლობა აქვთ ესტუმრონ უნივერსიტეტს, გაეცნონ მათთვის საინტერესო პროგრამას, სასწავლო გარემოს, მიღების პირობებს, გაესაუბრონ მომავალ ლექტორებს, დაესწრონ სასურველ ლექციებს და მიიღონ ამომწურავი პასუხები მათთვის მნიშვნელოვან კითხვებზე.

გაცნობით პროგრამაზე რეგისტრაცია

„ჩვენ ცოცხლების“ ფილმის ჩვენება