ანა ილურიძე Politecnico di Milano-ს სამაგისტრო პროგრამაზე აგრძელებს სწავლას

ვიზუალური კომუნიკაციის პროგრამის კურსდამთავრებული ანა ილურიძე სექტემბრიდან სწავლას აგრძელებს Politecnico di Milano-ს ორწლიან სამაგისტრო პროგრამაზე კომუნიკაციის დიზაინის მიმართულებით.

ანამ მოწვევა მიიღო აგრეთვე იტალიის და გერმანიის დიზაინისა და მოდის სხვადასხვა სკოლიდან, მაგრამ საბოლოოდ არჩევანი შეაჩერა მილანის პოლიტექნიკურ უნივერსიტეტზე, რომელიც მსოფლიოში ერთ-ერთი საუკეთესოა არქიტექტურის, ინჟინერიისა და დიზაინის სწავლების კუთხით.