ENG GEO

Search form

დაფინანსების სისტემები თავისუფალ უნივერსიტეტში (2016-17 სასწავლო წელი)

2016-2017 წლისათვის მოქმედი მოდელი:

უნივერსიტეტში სწავლის საფასურის დასაფინანსებლად სტუდენტს აქვს შესაძლებლობა აირჩიოს ცოდნის ფონდის:

  • თანადაფინანსების საგრანტო სისტემა
  • გარდამავალი დაფინანსება
  • გარდამავალი დაფინანსება არათბილისელთათვის

ცოდნის ფონდის თანადაფინანსების (საგრანტო) სისტემა - შენ მიერ ყოველწლიურად გადასახდელი თანხა 2 500 ლარით მცირდება (სიახლე!)

თავისუფალი უნივერსიტეტის ნებისმიერ სკოლაში ჩაბარების შემთხვევაში, 4 წლის მანძილზე, მიიღებ ცოდნის ფონდის 10 000 ლარიან  სასწავლო გრანტს, რომელიც შენ მიერ ყოველწლიურად გადასახდელ თანხას 2 500 ლარით შეამცირებს.
დარჩენილ თანხას გადაიხდი სტანდარტულად.

 

შენ შეგიძლია უკვე ხელი მოაწერო ცოდნის ფონდსა და თბილისის თავისუფალ უნივერსიტეტთან საგრანტო ხელშეკრულება, რომელიც განიჭებს უფლებას, მიიღო ეს გრანტი, ხოლო საგრანტო ხელშეკრულებას კი წარმოადგენ თბილისის თავისუფალ უნივერსიტეტში ჩარიცხვის შემდეგ.

სასწავლო გრანტი ჩვენთან სწავლისთვის: "საუკეთესო – საუკეთესოებს"

საუკეთესო აბიტურიენტებისთვის სასწავლო გრანტებს გასცემს ცოდნის ფონდი და დავით მიქელაძის მომავალ მეცნიერთა ფონდი.

2007 წლიდან დღემდე სასწავლო გრანტი გადაეცა ათასობით სტუდენტს.

თუ:

  • იქნები პირველი შენს საბაკალავრო პროგრამაზე ერთიანი ეროვნული გამოცდების შედეგების მიხედვით;
  • გაიმარჯვებ მათემატიკის, ფიზიკისა და პროგრამირების საერთაშორისო ოლიმპიადებში და გახდები ჩვენი სტუდენტი;

მაშინ, მიიღებ ერთწლიან სასწავლო გრანტს.

შემეცნებითი კონკურსები - სასწავლო გრანტის მოპოვების დამატებითი შესაძლებლობა

თვალი ადევნე და დარეგისტრირდი თავისუფალი უნივერსიტეტის შემეცნებით კონკურსებზე, მიიღე მონაწილეობა, საიკავე საპრიზო ადგილი და მოიპოვე დამატებითი გრანტი.

ფიზიკის სკოლის სტუდენტთათვის – დაფინანსების დამატებითი შესაძლებლობა

დაფინანსების ყველა მოდელთან ერთად, დავით მიქელაძის ფონდიდან მიიღებ ერთწლიან სასწავლო გრანტს, თუ:

  • ხარ ფიზიკის ან მათემატიკის ეროვნული სასწავლო ოლიმპიადების საუკეთესო ათეულში
  • ხარ ფიზიკის, მათემატიკის ან ინფორმატიკის საერთაშორისო ოლიმპიადის მონაწილე

კომპიუტერული მეცნიერებებისა და მათემატიკის სკოლის (MACS) სტუდენტთათვის – დაფინანსების დამატებითი შესაძლებლობა

თანადაფინანსების სისტემის არჩევის შემთხვევაში, მხოლოდ კომპიუტერული მეცნიერებებისა და მათემატიკის სკოლის სტუდენტს საშუალება გექნება შენ მიერ პირველ სასწავლო წელს გადასახდელი თანხა გადაიხადო მომდევნო სასწავლო წლებში (თანხა თანაბრად ნაწილდება დარჩენილ 6 სემესტრზე).

დაფინანსების ყველა მოდელთან ერთად, დავით მიქელაძის ფონდიდან მიიღებ ერთწლიან სასწავლო გრანტს, თუ:

  • ხარ ფიზიკის, მათემატიკის ან პროგრამირების ეროვნული სასწავლო ოლიმპიადის გამარჯვებული (I, II და III ადგილი);
  • ხარ ფიზიკის, მათემატიკის ან ინფორმატიკის საერთაშორისო ოლიმპიადის მონაწილე.

გარდამავალი დაფინანსება: „ისწავლე დღეს − ასწავლე ხვალ"

თუ აირჩევ გარდამავალ დაფინანსებას, შეგეძლება ბაკალავრიატზე სწავლის დროს (4 წლის განმავლობაში) არ გადაიხადო სწავლის საფასური და შემდეგ კი 4 წლის მანძილზე დააფინანსო მომავალი თაობის სტუდენტების სწავლა.
გარდამავალი დაფინანსების მისაღებად საჭიროა მხოლოდ ხელშეკრულების გაფორმება.

გარდამავალი დაფინანსების დამატებითი კომპონენტი არათბილისელთათვის

თუ აირჩევ გადამავალ დაფინინსებას და ამასთან:

  • გაქვს 100%–იანი სახელმწიფო სასწავლო გრანტი
  • ხარ საქართველოს რეგიონიდან და არ გაქვს თბილისში ცხოვრების საშუალება
  • თანახმა ხარ ჩაერთო უნივერსიტეტის საქმიანობაში - აკადემიურ, ადმინისტრაციულ ან კვლევით სამუშაოებში (კვირაში მხოლოდ 5 საათი).

მაშინ, 4 წლის განმავლობაში (წელიწადში 10 თვე), ცოდნის ფონდისგან მიიღებ დამატებით 200 ლარს
თვეში,* რომლის საშუალებითაც, სწავლის პერიოდში, თბილისში ცხოვრებას შეძლებ.**

* ცოდნის ფონდი დამატებით (თვეში 200 ლარიან) დაფინანსებაზე გადაწყვეტილებას იღებს სტუდენტის სამოტივაციო წერილის საფუძველზე.
** ამ კომპონენტის სარგებლობის შემთხვევაშიც მოქმედებს გარდამავალი დაფინანსების პრინციპი – სწავლის დასრულების შემდეგ, 4 წლის მანძილზე დააფინანსებ მომავალი თაობის არათბილისელი სტუდენტების თბილისში ცხოვრებასაც.