ENG GEO

Search form

ელექტრო და კომპიუტერული ინჟინერიის საბაკალავრო პროგრამა

ელექტრო და კომპიუტერული ინჟინერიის საბაკალავრო პროგრამა შემუშავდა მსოფლიოს წამყვანი უნივერსიტეტების (მასაჩუსეტსის ტექნოლოგიური უნივერსიტეტი, კარნეგი მელონი, ილინოისის უნივერსიტეტი, ტოკიოს უნივერსიტეტი) სასწავლო პროგრამების ანალიზის საფუძველზე.

მაღალი ტექნოლოგიების განვითარების ეპოქაში კომპიუტერული და ელექტრო ინჟინერიის სპეციალობა  ერთ-ერთი  ყველაზე მოთხოვნადი და მაღალ-ანაზღაურებადია მსოფლიოში. თანამედროვე  კომპიუტერული და ელექტრო ინჟინერიის მთავარ გამოწვევებს შორის არის:         1. ახალი თაობის კომპიუტერის შექმნა, რომელიც სწრაფად დაამუშავებს და გადასცემს ძალიან დიდი მოცულობის მქონე ინფორმაციას; 2. თანამედროვე მცირე (ნანო) ზომების ხელსაწყოების დიზაინი და შექმნა, რომლებსაც ფართო გამოყენება ექნებათ მედიცინაში, Wireless სისტემებში, ინფორმაციის ეფექტურად და სწრაფად გადაცემისას.

აღნიშნული სასწავლო პროგრამის გავლისას სტუდენტები შეისწავლიან რამოდენიმე ფართოდ გამოყენებულ პროგრამულ ენას (C++, Java, Matlab) . დაწერენ ალგორითმებს და მოახდენენ ინჟინერიის მრავალი პრაქტიკული ამოცანის პროგრამირებას. სტუდენტები მიიღებენ საფუძვლიან თეორიულ და პრაქტიკულ ცოდნას ელექტრონიკაში, სიგნალების კომპიუტერულ მოდელირებაში, თანამედროვე ხელსაწყოების შექმნისას გამოყენებული ელექტრო-ტექნიკური მასალების შესახებ და ა.შ. ამასთან ერთად დიდ დროს გაატარებენ თავისუფალი უნივერსიტეტის თანამედროვე სასწავლო ლაბორატორიებში, რომლებიც აღჭურვილია ძირითადი პლატფორმების სერვერებით, ქსელური და კომპიუტერული მოწყობილობებით, პროგრამირებადი რობოტექნიკით. სტუდენტები საკუთარი ხელით შესძლებენ ააწყონ და კომპიუტერით მართონ ელექტრო-ხელსაწყოები.

ტელეპრეზენსის სალექციო სისტემით სტუდენტები მოისმენენ უცხოელი პროფესორების ინტერაქტიულ ლექციებს. მიიღებენ ინფორმაციას კომპიუტერული და ელექტრო ინჟინერიის მიმართულებით მსოფლიოს წამყვან კომპანიებსა (Mitsubishi Electronics, Toyota, Samsung, LG,...) და ცენტრებში მიმდინარე კვლევების შესახებ.

უნივერსიტეტი ყოველწლიურად ჩაატარებს იდეების კონკურსს – სამი გამარჯვებული იდეა დაფინანსდება.

ბაკალავრიატის დამთავრების შემდეგ სტუდენტი მიიღებს ინჟინერიის ბაკალავრის ხარისხს.

 

სკოლა გთავაზობს ერთ კონცენტრაციას:

  • კომპიუტერული ინჟინერია

 

პროგრამის ხანგრძლივობაა 4 წელი.