ENG GEO

Search form

სამაგისტრო პროგრამა ბიზნესის სამართალში

პროგრამა განკუთვნილია იურისტებისათვის, რომლებიც ესწრაფიან ბიზნესის სამართლის იურისტისა და ადვოკატის კარიერას და სურთ თეორიული ცოდნის გაღრმავება და აუცილებელი პროფესიული უნარების განვითარება. მაგისტრანტი ისწავლის, თუ როგორ მიიღოს სწორი სამართლებრივი გადაწყვეტილებები რთულ ბიზნეს გარემოში და წარმატებით განახორციელოს ბიზნესის სამართლის ტრანზაქციები.

სამაგისტრო პროგრამა შემუშავებულია საერთაშორისო იურიდიული კომპანია Dechert-ის პარტნიორებთან კონსულტაციების საფუძველზე, რომლებსაც აქვთ საერთაშორისო იურიდიული პრაქტიკის მრავალ წლიანი გამოცდილება.

სამაგისტრო პროგრამა ითვალისწინებს საგადასახადო სამართლის კონცენტრაციას.

სამაგისტრო პროგრამა შედგება ოთხი ძირითადი მოდულისაგან:

 

ბიზნეს ტრანზაქციების სამართალი

მოდულის ფარგლებში სტუდენტები გაივლიან ბიზნესის სამართლის ფართოდ გავრცელებულ გარიგებების შესახებ პრაქტიკულ კურსებს და განიხილავენ ვალდებულებითი, სახელშეკრულებო, უძრავი ქონების, უზრუნველყოფილი გარიგებების, სააღსრულებო სამართლისა და საერთაშორისო ბიზნეს გარიგებების პრობლემური საკითხების გადაჭრის გზებს.

 

ბიზნესისორგანიზაციის, რეორგანიზაციის, ლიკვიდაციის და დაბეგვრის სამართალი

მოდული ორიენტირებულია ბიზნესის ტრანზაქციების განხორციელებისათვის საჭირო სამართლებრივი პრაქტიკის ანალიზსა და კვლევაზე. სტუდენტები გაივლიან პრაქტიკულ კურსებს საწარმოს დაფუძნების, კორპორატიული მართვის, საწარმოს შერწყმის, შეძენის, რეორგანიზაციისა, ლიკვიდაციის და დაბეგვრის პრობლემური საკითხების შესახებ.

 

პროფესიული პრაქტიკული განათლება

პროფესიული პრაქტიკული განათლების მოდული ორიენტირებულია ბიზნესის სამართლის იურისტისათვის აუცილებელი პრაქტიკული უნარების გამომუშავებაზე და სტუდენტს სთავაზობს ე.წ. „live client" სამართლის კლინიკაში საქმიანობას, სამართლის პრაქტიკას იურიდიულ კომპანიებსა და შესაბამის ორგანიზაციებში, სასამართლოში გამოსვლისა და სამართლებრივი დოკუმენტების მომზადების სპეციალურ კურსებს.

 

ბიზნეს ტრანზაქციების პრაქტიკუმი

მოდული მოიცავს ბიზნესტრანზაქციის განხორციელების პრაქტიკული უნარების განვითარებისაკენ მიმართულ კურსს ნასყიდობის ტრანზაქციის შესახებ და ფართოდ გავრცელებული ბიზნესის ტრანზაქციების სიმულაციებს. ნასყიდობის ტრანზქციის პრაქტიკული კურსი მთლიანად აგებულია რეალური ნასყიდობის გარიგების პროცესზე; ყურადღება დაეთმობა ე.წ. „Due Dilligence"-ის პროცესს, განხილული იქნება ნასყიდობის გარიგებაში გათვალისწინებული ძირითადი სამართლებრივი და არასამართლებრივი დოკუმენტები. კურსის მნიშვნელოვანი ნაწილი არის ნასყიდობის გარიგებების მოლაპარაკები და საბოლოოდ ნასყიდობის გარიგების დახურვა (Closing).

პროგრამის ერთ-ერთი უმნიშვნელოვანესი კომპონენტია ბიზნეს გარიგებების სიმულაციების პრაქტიკული კურსები, რომელიც ითვალისწინებს შემდეგი ტრანზაქციების სიმულაციებს:

  • საწარმოს/წილის შესყიდვა
  • საერთაშორისო საინვესტიციო გარიგება
  • კომერციული უძრავი ქონების ტრანზაქცია
  • კომპანიის სახელმწიფო სატენდერო წინადადების ტრანზაქცია
  • სამშენებლო ამხანაგობის გარიგებები

სასწავლო პროცესი აერთიანებს ლექციებს, სემინარებს, პრაქტიკული სიტუაციების ანალიზსა და სიმულაციებს, იმიტირებულ სასამართლო პროცესებსა და მოლაპარაკების სიმულაციებს.

 

აკადემიური გუნდი

სამაგისტრო პროგრამის კურსებს უძღვებიან თავისუფალი უნივერსიტეტის სამართლის სკოლისა და ბიზნესის სკოლის პროფესორები, წამყვანი ადგილობრივი და საერთაშორისო იურიდიული კომპანიების პარტნიორები, მოქმედი და ყოფილი მოსამართლეები, საერთაშორისო აუდიტორული კომპანიების იურისტები და სხვა პრაქტიკოსი იურისტები. საგადასახადო სამართლის კონცენტრაციის ფარგლებში, თავისუფალი უნივერსიტეტის ბიზნესის სკოლის პროფესორები გაუძღვებიან სპეციალურად იურისტებისთვის შემუშავებულ კურსს ფინანსურ აღრიცხვასა და საგადასახადო ანგარიშგებაში.

 

სად შეუძლია პროგრამის კურსდამთავრებულს მუშაობა?

სამაგისტრო პროგრამის დასრულების შემდეგ სტუდენტს შეუძლია წარმატებით განაგრძოს საქმიანობა საერთაშორისო იურიდიული კომპანიების წარმომადგენლობებში, ადგილობრივ იურიდიულ კომპანიებში, საჯარო დაწესებულებებში, იმუშაოს იურისტად ნებისმიერ საშუალო და მსხვილ კომპანიაში, ბანკებსა და სხვა ფინანსურ ინსტიტუტებში, საერთაშორისო აუდიტორული კომპანიების წარმომადგენლობებში, ისევე, როგორც დააფუძნოს საკუთარი იურიდიული კომპანია და დაიწყოს სამართლის დამოუკიდებელი პრაქტიკა.

 

ვისთვის არის განკუთვნილი პროგრამა? 

პროგრამა განკუთვნილია ადამიანებისთვის, რომლებიც გეგმავენ ადვოკატისა და იურისტის კარიერას ბიზნესის სამართლის მიმართულებით.

ვის შეუძლია კონკურსში მონაწილეობა? 

კონკურსში მონაწილეობა შეუძლია იურისტის კვალიფიკაციის მქონე ადამიანს, რომელიც:

» გადალახავს საერთო სამაგისტრო გამოცდებზე მინიმალური კომპეტენციის ზღვარს;

» ფლობს ინგლისურ ენას მინიმუმ B2 დონეზე;

* სასურველიაჰქონდესპროფესიითმუშაობისერთწლიანიგამოცდილება.

 

ბიზნესისსამართლისსამაგისტროპროგრამისსტუდენტის, დავითაბესაძისბლოგისამაგისტროპროგრამისშესახებ.

 

მიღების პროცედურები:

» რეგისტრაცია გამოცდების ეროვნული ცენტრის ვებგვერდზე

» საერთო სამაგისტრო გამოცდების ჩაბარება

 

»რეგისტრაცია დასრულებულია

 

 

» გასაუბრება თავისუფალ უნივერსიტეტში

სწავლის ხანგრძლივობა და განრიგი:

პროგრამის ხანგრძლივობა შეადგენს 2 წელს.

ლექციები ტარდება კვირაში ოთხჯერ:                        

» სამი სამუშაო დღე: 19:00 – 21:45

» შაბათი: 10:00 – 16:00

 

სამაგისტრო პროგრამის სემესტრული გადასახადი:

 

სიახლე!

2000-ლარიან  სასწავლო გრანტს მიიღებს 2017 წლის ნაკადის ყველა მაგისტრანტი ჯამში ორი აკადემიური წლის განმავლობაში ცოდნის ფონდისგან.

თქვენ შეგიძლიათ ისწავლოთ სემესტრში დაახლოებით:

 

- 1125 ლარად (სახელმწიფო 100%-იანი და ცოდნის ფონდის გრანტებით), ან

- 2250 ლარად (მხოლოდ ცოდნის ფონდის გრანტით).

 

საფასური გამოითვლება ასე:

1 სემესტრი, კონცენტრაციის გარეშე, 1015 * 2.71(ცვალებადი) = 2 750 ლარი - 500 ლარი (სასწავლო გრანტი) = დაახ. 2250 ლარი, რასაც შესაძლოა გამოკლდეს სახელმწიფო გრანტი (100%-ია გრანტის შემთხვევაში კი -1125 ლარი)

1 სემესტრი, საგადასახადო სამართლის კონცენტრაციის არჩევის[1] შემთხვევაში 1200 * 2.71(ცვალებადი) = 3 250ლარი -  500 ლარი (სასწავლო გრანტი) = დაახ. 2750 ლარი, რასაც შესაძლოა გამოკლდეს სახელმწიფო გრანტი (100%-ია გრანტის შემთხვევაში კი -1625 ლარი)

 

საკონტაქტო პირი: გიორგი ბედია

ტელ: 555 511 511
ელ. ფოსტა: g.bedia@freeuni.edu.ge 


[1] საგადასახადო კონცენტრაციის ჯგუფის შედგება მინიმუმ 7 სტუდენტის მიერ კონცენტრაციის არჩევის შემთხვევაში.