მარიამ კასრაძემ სწავლა გააგრძელა სამაგისტრო პროგრამაზე - Master of Arts in Transatlantic Affairs

საერთაშორისო ურთიერთობების სკოლის კურსდამთავრებულმა მარიამ კასრაძემ სექტემბრიდან სწავლა გააგრძელა სამაგისტრო პროგრამაზე - Master of Arts in Transatlantic Affairs. პროგრამას ახორციელებს College of Europe (ბელგია) და Fletcher School of Tufts University (აშშ). მარიამმა მოიპოვა ორივე უნივერსიტეტის შიდა დაფინანსება.

სამაგისტრო პროგრამის მიზანია სტუდენტს მისცეს შესაძლებლობა ძირეულად დაეუფლოს ტრანსატლანტიკური ურთიერთობების დინამიკას. აშშ–ში, Fletcher School-ში სწავლის პარალელურად, მარიამს შესაძლებლობა ექნება Harvard Kennedy School-შიც გაიაროს რამდენიმე საგანი, ამ ორი უნივერსიტეტის თანამშრომლობის ფარგლებში. გარდა ამისა, პროგრამა ითვალისწინებს სავალდებულო სტაჟირებასაც სხვადასხვა საერთაშორისო ორგანიზაციასა და სახელმწიფო დაწესებულებაში.