აღმოსავლური ენები

აღმოსავლური ენების პროგრამის აღწერა

აღმოსავლური ენების პროგრამა მოიცავს შემდეგ ენებს: 

• არაბული - 5 სემესტრი
• სპარსული - 4 სემესტრი
• თურქული - 4 სემესტრი
• იაპონური - 5 სემესტრი
• კორეული - 4 სემესტრ

მსმენელი თავად ირჩევს რომელი აღმოსავლური ენის შესწავლა სურს. 

აღმოსავლური ენების პროგრამა შესაძლებლობას იძლევა, სტუდენტმა შეისწავლოს მის მიერ არჩეული აღმოსავლური ენა საწყისი ეტაპიდან C1 დონემდე (Advanced).

სწავლება ხორციელდება უახლესი სახელმძღვანელოების საშუალებით. ძირითად სასწავლო მასალასთან ერთად გათვალისწინებულია აუდიო და ვიდეო მასალის აქტიური გამოყენება, რაც სტუდენტს საშუალებას აძლევს უკეთ განავითაროს კითხვა, მოსმენა და საუბარი.

სტუდენტებს დამატებით ეძლევათ შესაძლებლობა, დაესწრონ ფილმების ჩვენებებს, მონაწილეობა მიიღონ თემატურ საღამოებსა და კონფერენციებში.

პროგრამის საფუძვლიანად გავლის შემდეგ, სტუდენტი მიიღებს იმ დონის ცოდნასა და უნარ-ჩვევებს, რომ თავისუფლად შეძლებს მუშაობას მაღალი რგოლის მენეჯმენტში იმ ქვეყანაში, რომელ ენასაც შეისწავლის.

პროგრამის გავლა შეუძლია ნებისმიერ მსურველს. თუ სტუდენტი უკვე ფლობს ენის გარკვეულ დონეს, შეუძლია სწავლა უფრო მაღალი დონიდან განაგრძოს.

ლექციები ტარდება ბაკალავრის სტუდენტებთან ერთად. კურსებს უძღვებიან ქართველი და მოწვეული სპეციალისტები აღმოსავლური ქვეყნებიდან.

სერტიფიკატი

წარმატებული კურსდამთავრებულები მიიღებენ თბილისის თავისუფალი უნივერსიტეტის სერტიფიკატს.

საერთაშორისო გამოცდა და სერტიფიკატი

თბილისის თავისუფალი უნივერსიტეტში ტარდება საერთაშორისო სასერტიფიკატო გამოცდები კორეულ (TOPIK) და იაპონურ (JLPT) ენებში.

აღნიშნული სერტიფიკატით სტუდენტებს საშუალება აქვთ სწავლა განაგრძონ კორეისა და იაპონიის სხვადასხვა უნივერსიტეტში, როგორც ენის შემსწავლელ კურსებზე, ასევე საბაკალავრო და სამაგისტრო პროგრამებზე.