ადამიანის უფლებების სამართლის საუნივერსიტეტო კვირეული

თბილისის თავისუფალი უნივერსიტეტი, ილიას სახელმწიფო უნივერსიტეტი, ივ.ჯავახიშვილის სახელობის თბილისის სახელმწიფო უნივერსიტეტი, საქართველოს უნივერსიტეტი, საქართველოს საზოგადოებრივ საქმეთა ინსტიტუტი და ქართულ-ამერიკული უნივერსიტეტი გიწვევთ ადამიანის უფლებების სამართლის საუნივერსიტეტო კვირეულის გახსნასა და საჯარო დისკუსიაზე "სასამართლოს როლი ადამიანის უფლებათა დაცვაში". 

დისკუსიის მონაწილეები იმსჯელებენ შემდეგი საკითხების შესახებ:

• რამდენად აქტიურები არიან ქონებრივ-ეკონომიკური და პოლიტიკური და სამოქალაქო უფლებების კუთხით ქართული სასამართლოები?
• რამდენად მსგავსია საკონსტიტუციო და საერთო სასამართლოთა მიდგომა ცალკეული უფლებების განმარტების კუთხით და რამდენად მჭიდროა საქართველოში ეროვნულ და საერთაშორისო სასამართლოებს შორის დიალოგი?
• რა ინსტიტუციურ-სამართლებრივი ფაქტორები მოქმედებს ადამიანის უფლებათა კუთხით დადებითად სასამართლოთა აქტივიზმზე?
• როგორ მოქმედებს ადამიანის უფლებათა დაცვისას სასამართლოთა აქტივიზმზე პოლიტიკური გარემო და სასამართლოს მიმართ საზოგადოების დამოკიდებულება ?

დისკუსია გაიმართება 7 დეკემბერს, 17:30 საათზე თბილისის მედიათეკების გაერთიანების ვაკის ფილიალში (მისამართი: ჭავჭავაძის გამზირი 76, ვაკის პარკი).

დისკუსიის მონაწილეები:

კონსტანტინე ვარძელაშვილი - საქართველოს საკონსტიტუციო სასამართლოს თავმჯდომარის მოადგილე;

ქეთევან ერემაძე - საქართველოს საკონსტიტუციო სასამართლოს წევრი;

ლაშა კალანდაძე - თბილისის სააპელაციო სასამართლოს მოსამართლე 2004-2015 წლებში;

რენატე ვინთერი - სიერა ლეონეს სპეციალური საერთაშორისო სასამართლოს სააპელაციო პალატის მოსამართლე, ევროკავშირის პროექტის  „სისხლის სამართლის სისტემის რეფორმის მხარდაჭერა საქართველოში“ ხელმძღვანელი.

მოდერატორი - თამარ თომაშვილი, თბილისის თავისუფალი უნივერსიტეტის ადამიანის უფლებების ეროვნული ინსტიტუტის აკადემიური დირექტორი. 

საჯარო დისკუსიაში მონაწილეობის მსურველებმა 2015 წლის 6 დეკემბრის 18:00 საათამდე  უნდა შეავსონ სარეგისტრაციო ფორმა.

კვირეულის მხარდამჭერი ორგანიზაციები:

USAID-ის დაფინანსებული აღმოსავლეთ-დასავლეთ მართვის ინსტიტუტის  „კანონის უზენაესობის მხარდაჭერა საქართველოში“ პროგრამა (EWMI- PROLoG );
გაეროს ადამიანის უფლებათა უმაღლესი კომისრის ოფისი სამხრეთ კავკასიაში (OHCHR);
თბილისის მედიათეკების გაერთიანება.