ალექსანდრე რონდელის საჯარო ლექცია

სამშაბათს, 15 აპრილს, 18:00 საათზე დიღმის საუნივერსიტეტო კამპუსში (321-ე აუდიტორია) საჯარო ლექციას წაიკითხავს ალექსანდრე რონდელი.

ლექციის თემაა - ირანი და კავკასია, მიმდინარე მოვლენები.

ალექსანდრე რონდელი არის საქართველოს სტრატეგიისა და საერთაშორისო ურთიერთობების კვლევის ფონდის პრეზიდენტი, გეოგრაფიის მეცნიერებათა დოქტორი.

1991-1996 წლებში გახლდათ ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობათა კათედრის გამგე. 1997-2001 წლებში იგი იყო საქართველოს საგარეო საქმეთა სამინისტროსთან არსებული საგარეო პოლიტიკის კვლევისა და ანალიზის ცენტრის დირექტორი. 1976-1977 წლებში მან სტაჟირება გაიარა ლონდონის ეკონომიკისა და პოლიტიკურ მეცნიერებათა სკოლაში, ხოლო 1993-1994 წლებში ვუდრო ვულსონის სახელობის საზოგადოებრივ და საერთაშორისო საქმეთა სკოლაში (პრინსტონის უნივერსიტეტი, აშშ).

1991 წელს ალექსანდრე რონდელი იყო მოწვეული პროფესორი ემორის უნივერსიტეტში (აშშ), 1995 წელს მაუნთ ჰოლიოკ კოლეჯში (აშშ), 1992, 1995 და 1997 წლებში უილიამს კოლეჯში.

ლექციაზე დასწრება თავისუფალია.