ბიზნეს სკოლის 4 სტუდენტი სწავლას მადრიდში გააგრძელებს

4 ივნისს კამპუსს  IE ბიზნეს სკოლის (Instituto de Empresa, მადრიდი, ესპანეთი) წარმომადგენლები სტურობდნენ.

ვიზიტის ფარგლებში ხელი მოეწერა ურთიერთთანამშრომლობის მემორანდუმს IE ბიზნეს სკოლასა და თავისუფალ უნივერსიტეტს შორის.

IE ბიზნეს სკოლა ევროპაში Forbse-ის რეიტინგით მესამე, ხოლო Financial Times-ის რეიტნგის მიხედვით პირველ ადგილზეა.

მემორანდუმის მიხედვით თავისუფალი უნივერსიტეტის წარმატებულ სტუდენტებს შესაძლებლობა ექნებათ სწავლა გააგრძელონ მადრიდში, IE ბიზნეს სკოლის სხვადასხვა პროგრამაზე.

სამი სტუდენტი მიიღებს 25 % სასწავლო გრანტს, ერთ სტუდენტს კი სრულად დაუფინანსდება სწავლა.

IE ბიზნეს სკოლის დელეგაციის ვიზიტის ფარგლებში ჩატარდა პროფესორი ფერნანდო კორტინასის მასტერ კლასიც: Global Competition - The Multipolar Scenario of Business Growth.