დავით ფრანგიშვილის საჯარო ლექცია

ოთხშაბათს, 26 თებერვალს, 15:00 საათზე დიღმის საუნივერსიტეტო კამპუსში ცნობილი ქართველი მეცნიერი დავით ფრანგიშვილი წაიკითხავს საჯარო ლექციას თემაზე: ,,ვირუსები სიცოცხლის გარიჟრაჟიდან".

ამავე დღეს, დავით ფრანგიშვილს მიენიჭება გამორჩეული პროფესორის წოდება. 2013 წლიდან თავისუფალი და აგრარული უნივერსიტეტები გამორჩეული პროფესორის წოდებას ანიჭებენ მეცნიერებს, რომლებსაც უნივერსიტეტების განვითარების საქმეში განსაკუთრებული წვლილი აქვთ შეტანილი.

დამატებითი ინფორმაცია:

დავით ფრანგიშვილი 1999 – 2004 წლებში იყო რეგენსბურგის უნივერსიტეტის Archaea-ს ცენტრის (გერმანია) მიკრობიოლოგიის დეპარტამენტის კვლევების დირექტორი. 2004 წლიდან ის პარიზის Institut Pasteur-ის ლაბორატორიის დირექტორი. დავით ფრანგიშვილს ეკუთვნის 140 აკადემიური სტატია, 103 სამეცნიერო ნამუშევარი, 36 წიგნის თავი და მიმოხილვა, 1 წიგნი და 2 პატენტი.
ადგილმდებარეობა: დიღმის საუნივერსიტეტო კამპუსი; დავით აღმაშენებილის ხეივანი #240 / საკონფერენციო დარბაზი