სამართლის სკოლის ორგანიზებით „სასამართლო მეგობრის“ (Amicus Curiae) მოსაზრების პრეზენტაცია გაიმართა

04 ივლისი 2023

2023 წლის 26 ივნისს თბილისის თავისუფალი უნივერსიტეტის სამართლის სკოლის ორგანიზებით და USAID სამართლის უზენაესობის პროგრამის მხარდაჭერით, გაიმართა „სასამართლო მეგობრის“ (Amicus Curiae) მოსაზრების პრეზენტაცია, რომელიც წარდგენილ იქნა ადამიანის უფლებათა ევროპულ სასამართლოში (ECtHR) საქმეზე FIGEĽ v. SLOVAKIA. საქმე შეეხება სლოვაკეთში 2021 წლის განმავლობაში საზოგადოებრივი ჯანდაცვის ორგანოს მიერ დაწესებულ რეგულაციებს, რომლებმაც აკრძალეს რელიგიური მსახურება.

მოსაზრებაზე მუშაობდნენ თბილისის თავისუფალი უნივერსიტეტის სამართლის სკოლის სტუდენტები: რატი აბუსერიძე, ანი ფხაკაძე, თამარ ტყეშელაშვილი, რუსუდან გოჩიტაშვილი, ლუკა გოგუა, მარიამ კობერიძე, ლუკა ნიშნიანიძე, ბაჩანა ფირცხალაშვილი, ნიცა სირაძე, ხოლო მუშაობის პროცესს ხელმძღვანელობდნენ თბილისის თავისუფალი უნივერსიტეტის ლექტორები ვასილ ჟიჟიაშვილი და ლევან რამიშვილი.

პრეზენტაციის დროს სტუდენტებმა ანი ფხაკაძემ, რატი აბუსერიძემ და თამარ ტყეშელაშვილმა, მიმოიხილეს ამიკუსზე მუშაობის პროცესი, კერძოდ, თუ როგორ მოხდა კონკრეტული საქმის შერჩევა, როგორ განაწილდა მათ შორის როლები, რა სირთულეები და გამოწვევები ახლდა, როგორც უშუალოდ სლოვაკური, ისე საერთაშორისო კანონმდებლობის შესწავლასა და ანალიზს. პრეზენტაციის ბოლოს გაიმართა დისკუსია.

პრეზენტაცია ჩატარდა კახა ბენდუქიძის კამპუსში.