მარინე ჯიბლაძე "ჩინური ენის ხიდის" ჟიურიში

ივლისში, ჩინეთში, კონფუცის ინსტიტუტის სათაო ოფისის და ჩინური ენის სამთავრობო კომიტეტის ორგანიზებით გაიმართება XV საერთაშორისო სტუდენტური კონკურსი "ჩინური ენის ხიდი" - მსოფლიოს სხვადასხვა ქვეყნის სტუდენტებს შორის.

კონკურსის ჟიურის ერთ-ერთ წევრად უკვე ზედიზედ მეოთხედ მიწვეულია თავისუფალი უნივერსიტეტის ჩინეთმცოდნეობის პროფესორი და კონფუცის ინსტიტუტის დირექტორი, მარინე ჯიბლაძე.

კონკურსი ტრადიციულია და ყოველწლიურად იმართება, შუქდება ჩინეთის ტელევიზიის მეშვეობით მთელი ქვეყნის მასშტაბით და ასობით მილიონი მაყურებელი ჰყავს.

აღსანიშნავია ისიც, რომ მარინე ჯიბლაძესთან ერთად ჟიურიში არიან ცნობილი ჩინეთის ცენტრალური ტელევიზიის CCTV-ის  ტელეწამყვანები და ცნობილ ჩინელი მსახიობები.