მარკუს გროსის (Markus Gross) პრეზენტაცია

თავისუფალი უნივერსიტეტის ვიზუალური ხელოვნების, არქიტექტურის და დიზაინის სკოლაში - VA[A]DS გაიმართა ბაზელის ბეიელერის მუზეუმის (Fondation Beyeler) მთავარი რესტავრატორის, მარკუს გროსის (Markus Gross) პრეზენტაცია 25 მარტს.
მარკუს გროსი არის ნახატების, ფრესკებისა და ობიექტების რესტავრატორი. 2001 წლამდე გროსი ევროპის სხვადასხვა მუზეუმთან თანამშრომლობდა, ხოლო 2001 წლიდან არის ბეიელერის ფონდის მთავარი კონსერვატორი-რესტავრატორი. მისი ერთ-ერთი მსხვილი პროექტი არის ჰენრი მატისის Acanthus-ის რესტავრაცია, რომელიც შვეიცარიის სახელმწიფო პროექტი იყო (Nationale Suisse Conservation Project Henri Matisse, "Acanthus").
საქართველოში მარკუს გროსის ვიზიტი ფიროსმანის გამოფენას უკავშირდება, რომელიც 2023 წლის მაისში დანიაში, ლუიზიანას მუზეუმში გაიხსნება და მოგვიანებით კი ბეიელერის ფონდში, ბაზელში, შვეიცარიაში გადაინაცვლებს.