პროფესიული ტრენინგი ადვოკატებისთვის

02 თებერვალი 2016

თბილისის თავისუფალი უნივერსიტეტის ადამიანის უფლებების ეროვნული ინსტიტუტი, საქართველოს ადვოკატთა ასოციაციასთან და ამერიკის შეერთებული შტატების საერთაშორისო განვითარების სააგენტოს (USAIDმიერ დაფინანსებულ, „კანონის უზენაესობის მხარდაჭერა საქართველოში" (EWMI-PROLoG) პროგრამასთან თანამშრომლობით, საქართველოს ადვოკატთა ასოციაციის წევრებს იწვევს მონაწილეობის მისაღებად პროფესიულ ტრენინგში:დაკავების და პატიმრობის სტანდარტები და პროცედურები: ადამიანის უფლებათა საერთაშორისო სამართალი და საქართველოს სისხლის სამართლის საპროცესო კანონმდებლობა".

 

 

ტრენინგის თემატიკა:

 

· გაეროს სამოქალაქო და პოლიტიკურ უფლებათა საერთაშორისო პაქტისა და ადამიანის უფლებათა ევროპული კონვენციის მიხედვით პირის თავისუფლების და პირადი ხელშეუხებლობის უფლება;

· საქართველოს შიდა კანონმდებლობით გათვალისწინებული დაკავების სტანდარტები და პროცედურები;

· პატიმრობის გამოყენება საერთაშორისო სტანდარტებისა და საქართველოს სისხლის სამართლის საპროცესო კოდექსის მიხედვით.

 

ტრენინგი მოიცავს თეორიულ და პრაქტიკულ კომპონენტებს, რომელთაც წარუძღვებიან ადამიანის უფლებათა და სისხლის სამართლის სფეროში მუშაობის ფართო გამოცდილების მქონე ექსპერტები - თამარ თომაშვილი და ქეთევან ჩომახაშვილი.

 

ტრენინგი ორდღიანია და გაიმართება თბილისის თავისუფალ უნივერსიტეტში 27 და 28 თებერვალს.

 

მონაწილეთა შერჩევა: 

 

ტრენინგში მონაწილეობის მსურველებმა უნდა წარმოადგინონ ბიოგრაფია (CV) და ადვოკატის მოწმობა ელექტრონული ფორმით შემდეგ მისამართზე: nihr@freeuni.edu.ge

 

წერილის სათაურის ველში მითითებული უნდა იყოს: პროფესიული ტრენინგი.

 

მონაწილეები შეირჩევიან ბიოგრაფიის (CV) და გასაუბრების საფუძველზე.

 

რეგისტრაციის ბოლო ვადაა 2016 წლის 16 თებერვალი.

 

ტრენინგში მონაწილეობა სრულად ფინანსდება პროგრამის „კანონის უზენაესობის მხარდაჭერა საქართველოში" (EWMI-PROLoG) მიერ.