საფრანგეთის ელჩი უნივერსიტეტის რექტორს შეხვდა

კახა ბენდუქიძის საუნივერსიტეტო კამპუსში გაიმართა შეხვედრა საფრანგეთის სრულუფლებიან და საგანგებო ელჩს პასკალ მენიესა და თავისუფალი უნივერსიტეტის რექტორს გურამ ჩიქოვანს შორის. შეხვედრაზე განიხილეს მომავალი თანამშრომლობის პერსპექტივები თავისუფალ უნივერსიტეტსა და საფრანგეთის წამყვან უნივერსიტეტებს შორის. ელჩის ინფორმაციით, საქართველოს ახლო მომავალში ეწვევა სორბონას უნივერსიტეტის დელეგაცია. გათვალისწინებულია მათი ვიზიტი თავისუფალ უნივერსიტეტშიც.