პროგრამები

გაცნობითი პროგრამის ფარგლებში აბიტურიენტებს შესაძლებლობა ექნებათ ეწვიონ კახა ბენდუქიძის კამპუსს, გაეცნონ მათთვის საინტერესო აკადემიურ პროგრამებს, სასწავლო გარემოს და უნივერსიტეტში მიღების პირობებს, შეხვდნენ მომავალ ლექტორებს, დაესწრონ ლექციებს და მიიღონ ამომწურავი პასუხები მნიშვნელოვან კითხვებზე.

გაცნობით პროგრამაზე დასასწრებად აუცილებელია ონლაინ რეგისტრაციის გავლა: https://shorturl.at/52AxX

დამატებითი ინფორმაცია თითოეულ მონაწილეს ინდივიდუალურად გაეგზავნება.

შეხვედრას გაუძღვება ბიზნესის სკოლის დეკანი, გიგა ბედინეიშვილი, რომელიც ისაუბრებს ESM-ის 3 სამაგისტრო პროგრამაზე:

ESM უკვე მრავალი წელია საქართველოში ბიზნესგანათლების ერთ-ერთი ყველაზე გამორჩეული სკოლაა. ის აერთიანებს საფუძვლიან თეორიულ ცოდნას, პრაქტიკულ გამოცდილებასა და ანალიტიკურ მიდგომებს, რაც სტუდენტებს ეხმარება გადაწყვეტილებების მიღების, ლიდერობისა და რეალური ბიზნესგარემოსთვის საჭირო უნარების განვითარებაში.

გაცნობითი შეხვედრის ფარგლებში მონაწილეებს შესაძლებლობა ექნებათ გაეცნონ მათთვის საინტერესო პროგრამების სტრუქტურას, სწავლების ფორმატს და მიიღონ ამომწურავი პასუხები მათთვის მნიშვნელოვან კითხვებზე.

ონლაინ გაცნობით შეხვედრაში მონაწილეობის მისაღებად აუცილებელია რეგისტრაცია. რეგისტრაციისთვის იხილეთ: https://forms.gle/KLk1ijeWUwVwhRps5

დამატებითი ინფორმაცია პროგრამების შესახებ: https://shorturl.at/E5C6q

შეხვედრას ჩაატარებს თბილისის თავისუფალი უნივერსიტეტის სოციალური და საბუნებისმეტყველო მეცნიერებების სამაგისტრო და სადოქტორო სკოლის დეკანი ნუცა ბათიაშვილი.

პროგრამის კურიკულუმის ინტერდისციპლინური მიდგომისა და თემატიკის მრავალფეროვნების პარალელურად, სოციალური მეცნიერებების სამაგისტრო პროგრამას გააჩნია გარკვეული ფართო თემატური ორიენტირები, რომლის ფარგლებშიც სტუდენტებს ეძლევათ ფოკუსირებული კვლევითი პროექტების დაგეგმვის შესაძლებლობა ვიწრო თემატური სპეციალიზაციით. ეს თემატური ორიენტირები მოიცავს რეგიონული და საერთაშორისო პოლიტიკის საკითხების ანალიზს, ასევე მათ განხილვას რეგიონული კულტურის კვლევების ისეთი კონცეპტების ჭრილში, როგორიცაა ნაციონალიზმი, იდენტობა, მეხსიერების პოლიტიკა, რელიგია და პოლიტიკა, ეთნიკური კონფლიქტები, სოციალური კონფლიქტები, სოციალურ-კულტურული ტრანსფორმაცია და სხვა.

ონლაინ გაცნობით შეხვედრაში მონაწილეობის მისაღებად აუცილებელია რეგისტრაცია. რეგისტრაციისთვის იხილეთ ბმული: https://form.jotform.com/251706323345452

დამატებითი ინფორმაცია პროგრამის შესახებ: https://shorturl.at/EBlZm

ორი დღის განმავლობაში აბიტურიენტები გაეცნობიან მართვისა და საზოგადოებრივ მეცნიერებათა სკოლაში სწავლის სპეციფიკას, შეხვდებიან სხვადასხვა დარგში წარმატებულ კურსდამთავრებულებს, მოისმენენ მათ პერსპექტივასა და რჩევებს; გაიგებენ, თუ როგორ ვაქციოთ უპირატესობად, როცა "არ ხარ დარწმუნებული, რა გინდა, რომ ისწავლო".

კურსდამთავრებულებთან, ასევე სკოლის ადმინისტრაციასა და ლექტორებთან ინტერაქტიულ სემინარებში აბიტურიენტები ისწავლიან, თუ როგორ დაიწყონ ახლავე საკუთარი პროფესიული მომავლის დაგეგმვა, როგორ გამოიყენონ მართვის სკოლის რესურსები თვითგანვითარებისთვის და როგორ დაეხმარება მართვის სკოლაში სწავლა საჭირბოროტო კითხვისთვის - „რა გამოვალ?“ - პასუხის გაცემაში.