პროგრამები

სემინარი თემაზე: „ჯანდაცვის პოლიტიკა და ფსიქიატრიული პრაქტიკა საბჭოთა და პოსტსაბჭოთა საქართველოში“

თავისუფალი უნივერსიტეტის მეხსიერებისა და შფოთვის კვლევის ლაბორატორიის (FUMA®Lab) ორგანიზებით, 11 მაისს, 19:00 საათზე, კახა ბენდუქიძის კამპუსის ბიბლიოთეკის საკონფერენციო დარბაზში გაიმართება სემინარი თემაზე: „ჯანდაცვის პოლიტიკა და ფსიქიატრიული პრაქტიკა საბჭოთა და პოსტსაბჭოთა საქართველოში“.

შეხვედრა დაეთმობა საბჭოთა კავშირში „ჯანსაღი ადამიანის“ ფენომენის გააზრებასა და იმ მემკვიდრეობის ანალიზს, რომელიც კომუნისტური იდეოლოგიითა და რეპრესიული პოლიტიკით ნასაზრდოებმა სამეცნიერო დისკურსმა და ფსიქიატრიულმა პრაქტიკამ დატოვა პოსტსაბჭოთა საქართველოში.

სემინარს წარუძღვებიან FUMA®Lab-ის მკვლევარი, თავისუფალი უნივერსიტეტის მართვის სკოლის კურსდამთავრებული, ცენტრალური ევროპის უნივერსიტეტის (CEU, ვენა) მაგისტრი ელენე შაფათავა და მართვის სკოლის სტუდენტი მარიამ მაჭარაშვილი. 

მომხსენებლები მიმოიხილავენ საბჭოთა პოლიტიკისა და პროპაგანდის მიდგომებს ჯანმრთელი სხეულის გაგებასა და ფსიქიატრიულ დისკურსთან მიმართებით. ასევე განხილული იქნება საბჭოთა კავშირის სხვადასხვა პერიოდის სამედიცინო ცოდნის წარმოება ამ საკითხებთან დაკავშირებით - როგორ ხდებოდა ფიზიკური და მენტალური ჯანმრთელობის პოლიტიზირება დიდ პოლიტიკურ კონტექსტში.

სემინარი ეფუძნება ელენე შაფათავას საბაკალავრო და სამაგისტრო პროექტებისა და მარიამ მაჭარაშვილის საბაკალავრო ნაშრომის ფარგლებში ჩატარებულ საარქივო კვლევებს. ეს კვლევები აჩვენებს სამედიცინო ინსტიტუციებისა და სხვადასხვა თეორიის ინსტრუმენტალიზაციის მნიშვნელობას ეგრეთ წოდებული „ახალი საბჭოთა ადამიანის“, როგორც „მისაღები პოლიტიკური ერთეულის“ ჩამოყალიბების პროცესში.

სემინარი თემაზე - „ინფრასტრუქტურული შფოთი: თბილისის სიურეალისტურ-ეთნოგრაფიული დღიური“

თავისუფალი უნივერსიტეტის მეხსიერებისა და შფოთვის კვლევის ლაბორატორიის ორგანიზებით, 4 მაისს, 19:00 საათზე, კახა ბენდუქიძის კამპუსის ბიბლიოთეკის საკონფერენციო დარბაზში გაიმართება სემინარი თემაზე - „ინფრასტრუქტურული შფოთი: თბილისის სიურეალისტურ-ეთნოგრაფიული დღიური“.

სემინარი ეძღვნება თბილისის ურბანულ გარემოზე მეხსიერებისა და შფოთვის კვლევის ლაბორატორიის ფარგლებში ჩატარებულ ვიზუალურ კვლევას და მის საფუძველზე შექმნილი ფოტოწიგნის პრეზენტაციას.

მომხსენებლები: მარიამ მენთეშაშვილი, მარიამ გოგია, ლიზი მამულაშვილი, კესო ჯორჯიაშვილი, მარიამ მამისაშვილი.

კახა ბენდუქიძის კვირეული - შემეცნებითი კონკურსების გამარჯვებულების დაჯილდოება

ყოველწლიურად თავისუფალი და აგრარული უნივერსიტეტები ატარებენ სკოლის მოსწავლეებისათვის სხვადასხვა შემეცნებით კონკურსს, რომელთა გამარჯვებულები მოიპოვებენ სწავლის დაფინანსებისათვის გრანტებს კახა ბენდუქიძის ცოდნის ფონდისგან.

კახა ბენდუქიძის კვირეული - გაცნობითი პროგრამა აბიტურიენტებისათვის

24 აპრილს 10:00 საათზე კახა ბენდუქიძის კამპუსში გაცნობითი პროგრამა ჩატარდება.

გაცნობითი პროგრამების ფარგლებში აბიტურიენტებს შესაძლებლობა აქვთ ესტუმრონ უნივერსიტეტს, გაეცნონ მათთვის საინტერესო პროგრამას, სასწავლო გარემოს, მიღების პირობებს, გაესაუბრონ მომავალ ლექტორებს, დაესწრონ სასურველ ლექციებს და მიიღონ ამომწურავი პასუხები მათთვის მნიშვნელოვან კითხვებზე.

გაცნობით პროგრამაზე რეგისტრაცია