ადამიანის უფლებათა სამართლის შეჯიბრის მოსამზადებელი ტრენინგი ჩატარდა

12 ნოემბერს თბილისის თავისუფალი უნივერსიტეტის სამართლის სკოლის ორგანიზებით და USAID სამართლის უზენაესობის პროგრამის მხარდაჭერით, ჩატარდა ტრენინგი, რომელიც წარმოადგენს ადამიანის უფლებათა სამართლის შეჯიბრის მოსამზადებელ ეტაპს.

შეჯიბრში მონაწილეობის მისაღებად რეგისტრაცია გაიარა 46-მა გუნდმა, საქართველოს 9 უნივერსიტეტიდან. წერილობითი დავალება წარადგინა 19-მა მათგანმა, რომელთა შეფასების შედეგად შეირჩა 8 ძირითადი და 1 სათადარიგო გუნდი საქართველოს 4 უნივერსიტეტიდან.

ტრენინგი უძღვებოდა გიორგი ბერაია - თბილისის თავისუფალი უნივერსიტეტის მოწვეული ლექტორი. ტრენინგის თემატიკა იყო საჯარო თანამდებობის დაკავების უფლება.

ტრენინგის მსვლელობისას გიორგი ბერაიამ სტუდენტებს გააცნო საქართველოს საკონსტიტუციო სასამართლოს, ადამიანის უფლებათა ევროპული სასამართლოს და აშშ-ს უზენაესი სასამართლოს გადაწყვეტილებები და პრაქტიკა აღნიშნულ უფლებასთან მიმართებაში, ისაუბრა უფლების შეზღუდვის სამართლებრივ საფუძვლებზე და უპასუხა ტრენინგის მონაწილე სტუდენტების დასმულ შეკითხვებს.

ადამიანის უფლებათა სამართლის შეჯიბრი გაიმართება 18 და 19 ნოემბერს.