ანი ფხაკაძე სწავლას აგრძელებს ვენაში, Central European University-ში

თავისუფალი უნივერსიტეტის სამართლის პროგრამის კურსდამთავრებული ანი ფხაკაძე სექტემბრიდან სწავლას აგრძელებს ვენაში, Central European University-ში Global Business Law and Regulation სამაგისტრო პროგრამაზე.

ანიმ მოიპოვა შიდა საუნივერსიტეტო 60%-იანი დაფინანსება და ასევე განათლების საერთაშორისო ცენტრის სტიპენდია, რომლითაც დაფარავს სწავლის დარჩენილ საფასურსა და ცხოვრების ხარჯებს.

პროგრამის ფარგლებში ანი შეისწავლის საერთაშორისო ეკონომიკის, საკორპორაციო და ტრანზაქციების სამართლისა და დავის ალტერნატიული მოგვარების განსხვავებულ მეთოდებსა და პრაქტიკებს. სასწავლო პროგრამა ძირითადად ფოკუსირდება თანამედროვე კომერციულ სამართალში იურიდიული მომსახურების შედარებით სამართლებრივ პრაქტიკულ ასპექტებზე.