ბიზნესის სამართლის კონფერენცია ჩატარდა კამპუსში

თავისუფალი უნივერსიტეტის სამართლის სკოლის ორგანიზებით და საქართველოს ადვოკატთა ასოციაციის მხარდაჭერით გაიმართა ბიზნესის სამართლის განგრძობადი იურიდიული განათლების მე-13 ეროვნული კონფერენცია.

კონფერენციის მომხსენებლები იყვნენ:

• გიორგი ჯუღელი - თბილისის თავისუფალი უნივერსიტეტის ასოცირებული პროფესორი
• ანა კოსტავა - თბილისის თავისუფალი უნივერსიტეტის მოწვეული ლექტორი, საქართველოს ბანკის მთავარი იურისტი
• ქეთევან მესხიშვილი - თბილისის თავისუფალი უნივერსიტეტის მოწვეული ლექტორი, საქართველოს ენერგეტიკის განვითარების ფონდის იურისტი
• სოფიო ჩაჩავა - ნიუ ვიჟენ უნივერსიტეტის პროფესორი კერძო სამართლის მიმართულებით
• ქეთევან მესხიშვილი - თბილისის თავისუფალი უნივერსიტეტის პროფესორი, თბილისის სააპელაციო სასამართლოს მოსამართლე.

კონფერენციის ფარგლებში განხილული იქნა ბიზნესის სამართლის ისეთი აქტუალური საკითხები, როგორიცაა: შესაძლო ცვლილებები მეწარმეთა შესახებ კანონში; უზრუნველყოფის ღონისძიებების გამოყენების სასამართლო პრაქტიკა ფულის გათეთრების კანონმდებლობასთან მიმართებით საქართველოში; საარბიტრაჟო გადაწყვეტილების გაუქმებასა და ცნობა-აღსრულებასთან დაკავშირებული აქტუალური საკითხები საქართველოს და საერთაშორისო პრაქტიკის მიხედვით; უფლებების ბოროტად გამოყენება; არასტანდარტული შრომითი ურთიერთობები და სხვა პრაქტიკული გამოწვევები შრომით სამართლებრივ ურთიერთობებში.

კონფერენცია ჩატარდა 16-17 დეკემბერს თბილისის კახა ბენდუქიძის კამპუსში.