გიორგი ლასარეიშვილი გახდა MACS[E]-ის ალუმნის სტიპენდიის გამარჯვებული

გამოვლინდა MACS[E]-ის ალუმნის სტიპენდიის გამარჯვებული.

თბილისის თავისუფალი უნივერსიტეტის კომპიუტერული მეცნიერების და მათემატიკის პროგრამის კურსდამთავრებულების ინიციატივით 2020 წელს პირველად დაწესდა MACS[E]-ის ალუმნის სტიპენდია, რომელიც წელს მეოთხედ გამოცხადდა.

წელს სტიპენდიის გამარჯვებულია ამავე პროგრამის მესამე კურსის სტუდენტი, გიორგი ლასარეიშვილი. გიორგი ერთი აკადემიური წლის განმავლობაში მიიღებს MACS[E]-ის ალუმნის სტიპენდიას, რომელიც შეადგენს ყოველთვიურად 1,000 ლარს.

სტიპენდიის მიზანია კომპიუტერული მეცნიერების და მათემატიკის პროგრამის სტუდენტებს შორის კარგი აკადემიური მოსწრების დამატებით წახალისება.

MACS[E]-ის ალუმნის სტიპენდიაზე დარეგისტრირდა 22 სტუდენტი. გასაუბრებისათვის შეირჩა 7 სტუდენტი, რომლებიც ყველაზე უკეთ აკმაყოფილებდნენ სტიპენდიის კრიტერიუმებს.

სტიპენდიის დამფუძნებლების მიერ ჩატარებული გასაუბრებების შედეგად გამოვლინდა გამარჯვებული.

სტიპენდიის დამფინანსებლები არიან კომპიუტერული მეცნიერების და მათემატიკის პროგრამის კურსდამთავრებულები:

• ირაკლი ფოფხაძე, მუშაობს Facebook-ის ლონდონის ოფისში
• დავით მაღალთაძე, მუშაობს Microsoft-ის სიეტლის ოფისში
• თამუნა გელდიაშვილი, მუშაობს Amazon-ის ბერლინის ოფისში
• ელენე კავთელაძე, მუშაობს Amazon-ის მადრიდის ოფისში
• გიორგი ხოსროშვილი, მუშაობს Amazon-ის მიუნხენის ოფისში
• გიორგი ცერცვაძე, მუშაობს Facebook-ის ლონდონის ოფისში
• ლაშა ლაკირბაია, მუშაობს Google-ის მაუნთინ-ვიუს ოფისში
• გიორგი ქოჩაკიძე, Toptal Remote მუშაობს