მარიამ ადამია სექტემბრიდან სწავლას გააგრძელებს საფრანგეთში

თავისუფალი უნივერსიტეტის შენობის სისტემების ინჟინერიის პროგრამის კურსდამთავრებული მარიამ ადამია სექტემბრიდან სწავლას გააგრძელებს საფრანგეთში, გრენობლის უნივერსიტეტის გამოყენებითი მექანიკის ორწლიან სამაგისტრო პროგრამაზე.

მარიამმა მოიპოვა France Excellence-ის დაფინანსება STEM-ის მიმართულებით, რომლის ფარგლებში სრულად ანაზღაურდება როგორც სწავლის საფასური, ასევე მიიღებს ყოველთვიურ სტიპენდიას ცხოვრების ხარჯების დასაფარად.

მის მიერ შერჩეული პროგრამა მოიცავს თეორიულ, რიცხვით და ექსპერიმენტულ კომპონენტებს.