თამარ მეშველიანის თანაავტორობით კორნელის უნივერსიტეტმა ნაშრომი გამოაქვეყნა

თავისუფალი უნივერსიტეტის ფიზიკის პროგრამის კურსდამთავრებულის თამარ მეშველიანის ავტორობით, ასტროფიზიკის ჟურნალში Monthly Notices of the Royal Astronomical Society, გამოქვეყნდება ნაშრომი: “The impact of free-streaming on dwarf galaxy counts in low-density regions.”

თამარის კვლევის ძირითადი ინტერესია ბნელი მატერია და მისი არსებობის რამდენიმე მოდელის გამოკვლევა - ცივი ბნელი მატერიისა და თბილი ბნელი მატერიის მოდელები.

სტატიაში განხილული საკითხები მოიცავს სიმულაციებს, სამ მეგაპარსეკ რადიუსის სფეროში, სადაც ცენტრში ირმის ნახტომის მსგავსი გალაქტიკაა. მის გარშემო მასიური გალაქტიკების განაწილებას ერთნაირად წინასწარმეტყველებენ ცივი და ბნელი მატერიის მოდელები, ოღონდ, მცირე მასის მქონე (ჯუჯა) გალაქტიკების რაოდენობა თბილი მატერიის მოდელში, დაახლოებით, 50%-ით ნაკლებია, ვიდრე ცივი ბნელი მატერიის მოდელში. ამასთანავე, თბილი ბნელი მატერიის მოდელში არსებული გალაქტიკების რაოდენობა, ახლოსაა ირმის ნახტომის გარშემო გალაქტიკების დამზერად რაოდენობასთან.

სტატიაში ავტორები ხსნიან, თუ რა განაპირობებს ორ მოდელში ამ სხვადასხვაობას და უკავშირებენ იმ გარემოს, სადაც ეს გალაქტიკები არსებობენ.

ნაშრომის სრულად გაცნობა შესაძლებელია ამ ბმულზე.